Ravêrşiyînê Qûwetanê Sûriye ya Demokratîk rameno. Badê xelesnayişê bendaw û sûkeka Tişrîn, şiyayişê QSD, rojawa û rojhelatê çemê Firat’î de rameno. Çeteyê DAİŞ yê ke Minbic ra remenê, ravêrenê tirkiye. Dewleta tirk, a ke binkewtişê çeteyan qebûl nêkena, bi destê çeteyan êrişê sûkanê rojawa kena.
Teşrîn xelesiya
Quwetê Sûriye ya Demokratîk QSD 23ê aşmî de Başûrê Kobanê de, diyîn hamleya xelesnayişî da destcikerdin. QSD vizêr nê perey, îmze eşt binê jû serkewtişê da pîl. Quwetanê QSD badê bendawê Tişrîn, sûkeka Tişrîn, ya ke kewna rojawayê royê Firat’î, çeteyan ra xelesna. Badê xelesnayişê Tişrîn, çeteyan dest bi vengkerdinê sûka Minbic kerdî.
Hamleya xelesnayişê Tişrîn de, bi desan çeteyî kişiyay û xeylê cebilxane zî kewtî destê quwetanê QSD. Şiyayişê QSD kişta rojawayê çemê Firat’î de rameno. Qûwetê QSD gam bi gam nezdiyê sûka Reqa benê.
Heta bîn ra, goreyê xebera ke ajansa ANHA weşîna, çeteyê ke Minbic ra remenê kêberê sînor yê Cerablûs ra, ravêrenê tirkiye. Çeteyê ke remenê, pey xo de, hêgayan de mayin bica kenê.
Tirkiye çeteyan rê cebilxane berd
Heta bîn ra, verra Ezaz û Efrîn êrişê çeteyanê El-Nusra û Ehrar El-Şam’î ramenê. Goreyê zonayişan nê êrişî bi waşten û destegê dewleta tirk viraziyenê. Çeteyan bi bombeyanê mîsket û topanê obus êrişê Efrîn kerdî. Netîceyê êrişan de jû ceniya bi nameyê Fatîma Xelîl Mistefa bî dirbetin û hewadiya nêweşxane.
Hewildayenê îşgal yê dewleta tirk
Goreyê xebera mûxabîrê ajansê ANHA dewleta tirk cebilxaneyê tifingananê giran û menzîlê derg, ser Ezaz ra berd û teslîmê çeteyanê El-Nusra û Ehrar El-Şam kerd. Goreyê zonayişan cebilxane bi qamyonan kêberê sînorê Bab El-Selame ra ravêrniya. Herzewbîn qûbetê teybet zî kamyonan ra piya şî.
Dewleta tirk, ya ke hemleya xelesnayişê qûwetanê demokratîk yê sûriye hezm nêkena, hewildayenê îşgalkerdinê Rojawa ramena. Goreyê zonayişan jew hefteyê peynîn de eskeranê tirk Girkê Legê ra heta Qamişlo, panc noqteyan de şeş reynî sînor îxlal kerd. Verra nay dewijê Sermisax yê Girkê Legê hetê sînor ray şî û nêrazîbiyenê xo damusnay.
Awa Firat’î kerdî berz
Badê binkewtişê DAİŞ yê Teşrîn, dewleta tirk awa çemê Firat kerd berz û xeylê dewê rojawayê Kobanê yê bin aw de mendî. Dewijan hikûmeta AKP rê nêrazîbiyen damûsnay û aşkere kerdî ke, wazenê înan bidê goçkerdin.
NAVENDÊ XEBERAN
Hedef xelesnayişê Sûriye yo
Qûwetê ke bin banê QSD de herb kenê derheqê hemleya xelesnayiş de ANF rê qisey kerdî.
Fermandaranê Ceys El Sûwar ra Ebû Hecî zî aşkere kerd ke, bi hamleya serbestî wazenê pêrokîn Sûriye bixelesnê.
Lejwanê QSD Ehmed Zeko’yî zî diyar kerd ke, çarçoveyê hamle de iye de pêrokîn çeteyan ro dê û va, “ma de pêrokîn Sûriye çeteyan ra bixelesnê. Fermandarê Ceys El Sûwar Botan Turkmen’î, o ke zerreyê QSD de ca gêno dazonayene ke, hedefê iyenan Reqa, Cerablûs, Îdlîb, Helep û pêrokîn Suriye ya. Turkmen’î vist vîrî ke, hedefê iyenan serbestiya pêrokîn şaran o.
“Ma domanê Sûriye yê”
Lejwanê Şems El Şîmal Huseyîn El Îsa’yî zî da zonayen ke, iye de verra DAİŞ tekoşîna xo biramnê û çeteyan Sûriye ra biqewirnê.
Qiseykerdoxê QSD Talal Silo’yî zî va: “Ma domanê Sûriye yê. Qerarê vinderdişê xo, ma da nê. Ma destûr nêdanê ke, kes pirniya xo tewrê karê ma bikero. Silo’yî da zonayen ke, hewcedariya hamle ser waştena şarî destpa kerd û do dewam bikero.
Heta Rayver Apo azad bibo...
Lejwanê YPG Hevgirt Qendîl, o ke bin banê QSD de herb keno damûsnayen ke, serva xelesnayişê şarî tewrê hamle biyo. Veng dana pêrokîn şarî ke serhewedayinan berz bikerê. Qendîl’î va, heta ke Rayver Apo azad bibo,tekoşînê ma do biramo.”