Çalakîya grevê vêşanî ya Nurîye Gulmene û Semîh Ozakçayî roja 192. de dewam kena. Gulmene û Ozakça roja 76. ya grevê vêşanî ra nata zîndan de yî û no demanê peyênan de badê ke rewşa înan giran bîya, neqlê Nêweşxaneyê Zîndanê Sîncanî bîyî.
2 rojî verê mehkemeya Gulmene û Ozakçayî estbî û her di xoverdakarî hetê mehkeme ra destûr nêdîya beşdarê mehkeme bibî. Xora mehkeme ra çend rojî verê 12ê êlule de 20 avûkatê Gulmene û Ozakçayî bi hawayo derbkerdiş ameybî tepiştiş û hîna zî tepişte yî.
Babete ser o Avûkatanê Baroya Amedî ra Zeynep Işike qisey kerde û vera tepişîyayîşê avûkatan de reaskîyon nîşan daye.
Ganî fek astengkerdişî ra verabidî
Avûkate Işıke va ‘seba ke pawitişê avûkatan ra tersayî, avûkatî tepiştî’ û wina dewam kerde: “Komelêkê de unsuro tewr muhîm yê edaletî ra yewe zî avûkat o û bi hawayo komkî tepişîyayîşê avûkatan nîşan dano ke no unsur ameyo wedarnayîş. Sîstemê dadgehî de 3 çîyî esasî ra yewe pawitiş o. Ganî demêko rew fek astengkerdişê heqê pawitişî ra verabidî. Ganî avûkatî derhal serbest bêrî veradayîş.”
AMED