Arîn Yilmaza ke tewrê dayîka xo Esma Yilmaze Zindanê Tîpa Tyî yê Riha de mendêne, hewteyo verên bi teblîgatê Wezaretê Edaletî newe ra eşrawitî Zindanê Cinîyan yê Mêrdînî. Rewşa Arîna şenike zindanê Riha de xirar bibî û îmkanê dermankerdişî zî nêdayî aye. Arîne hetê pîyê xo Mîhdî Yilmazî ra seba rojêk zindan ra ameye vetiş.
Wa Arîne zindan ra bivejîya
Yilmazî derheqê rewşa Arîne de û zindanê Mêrdînî de qisey kerd û wina va: “Ma yewin rey Arîne ard verê xo. Seba ke derzînê aye estbî ma rojêke verê girewt. Arîne demêke derg nêmusa ma. Şan de her wext dayîke xo geyra. Seba ke şit şimnena zêde nêeşkena verê ma de bimana. Way û birayê aye zaf kêfweş bîyî. Pîya wext derbaz kerdî. Seba ke ma Arîne dayîke aye ra bikerê ganî ma aye newe ra bieşrawê.”
Yilmazî dewamê qiseykerdişê xo de da zanayene ke Arîne seba kontrolî berdê nêweşxane û wina domana: “Rewşa weşîya Arîne hema sey xo ya. Astimê aye aver şîyo. Doktor derman nuşt û va nê dermanî benê sebebê helnayîşê estan. Arîne kîlo vindî kerdebî, la nika baş a. Seba astimî nêeşkena boye bigîra û refleksan ramojnena. Ganî Arîn û dayîke aye zindan ra bivejîyê û nê şertan de Arîne nêeşkena dayîka xo ra bivisya.”
ANQARA