Kongreya Komelê Kurdistanîyê Demokratîkî yê Ewropa (KCDK-E) zî vera polîtîkayanê faşîstî yê AKPyî de îzehetêko nuştekî daye.
KCDK-E vist vîrî ke Hukmatê Ewropayî heta nika tim piştî dayî polîtîkayanê AKPyî. û wina dewam kerd: “Polîtîkayê AKPyî hetê muxalîfê Tirkîya û Kurdistanî ra ameyî rexnekerdiş û seba ke bêrî raştkerdiş, veng dîya. Dewleta tirk camî û mizgeftanê Ewropa sey merkezê ajanan xebetna û waşte ke polîtîkayanê xo yê sucî bikirêşa Ewropa. Îttîfako faşîst yê AKP û MHPyî Tirkîya û Kurdistan de bi desan bajarî rijnayî, hêrişê akademîsyenan kerd, 3 hezar rojnamegeran karî ra vist, parlamenter û şaredarîyan rehîn girewt û nika zî wazeno dîktatorî awan bikero. Ganî her welat vera nêyî de bivindero.” KCDK-E vist vîrî ke çeteyê faşîstî yê AKP û MHPyî Tirkîya kerdî cehenem û wina va: “AKP tirkê ke Ewropa de yî ser ro wazeno vernîya çetecîtî biakero. Destûr nêdayîşê dewletanê Ewropa yê faşîzmê AKP û MHPyî çîyo ke baş o la bes nîyo. Ganî heme tewir têkilîyê leşkerî û ekonomîk zî bêrî vindarnayîş.
ANF / BRUKSEL