Cinîyê kurdê êzidî yê Armenîstanî, seba tecrîdo ke Rayberê Şarê Kurdî Abdullah Ocalanî de şermizar bikerî, îzehetêk dayî çapemenîye. Îzehet hetê Sereka Komîteya Kurdistanî Jînya Qadirî ra ameye wendene. Jînya Qadire va ‘dewleta tirkî bi tecrîdî hewl dana Tevgerê Azadîya Kurdî û kurdan teslîm bigîra’ û wina domnaye. “Ganî ma bizanî ke azadîya kurdan azadîya Rayberîye ra derbaz bena. Cok ra ma çiqas rêxistinîya xo gird bikerî, xebatanê xo bihêz bikerî, hende eşkenî azadîya Rayberîye pê bîyarî.” Jînya Qadîre dîyar kerde ke seba azadîya Ocalanî ganî heme dezgeyê mîyanneteweyî bikewî mîyanê têgêrayîşî û wina qedênaye: “Wezîfeyê ma yê sifteyîne o yo ke ganî ma qet tecrîd qet xo vîra nêkerî û berpirsîyarîya ke kewena vileyê ma ser bîyarî ca.”  ANF / ERÎVAN