Gerîla Numan Amed’î sifte kesê ke Sûr de şehîd kewtî vîr ard û sozê domnayîşê têkoşînê înan dana. Amed’î va, xoverdayîşo ke Sûr de ame nîşandayîş moralêko gird da înan û wina dewam kerd: Ganî şarê Amed Sûr’î ra wayîr bivejyo. Heme muteahîdê Amed’î ganî seba Sûrî seferber bibê û destûr nêdî ke dewlete goreyê xo dîzayn bikero.Ganî Sûr bi destê şarî bêro awankerdiş. Ganhi ciwan û şarê Amed’î awankerdişê Sûrî de bibî hetkar. Sûr dîrok de her tim bîyo dizê xoverdayîşî û seba ma zaf muhîm o. Sûr de ganî bînayê dewlete nêrî awankerdiş. Ma soz danî heta peynî do hetê şarê Sûrî de bibî û ez şarê ma rê serkewtiş wazena.”
Serkewtiş destnêvistî
Gerîlayan ra Rizgar Amed’î zî bi silamî kerdişê xoverdayîşo ke Kurdistan de yena damusnayiş destpa qiseyanê xo kerd. Amed’î da zonayen ke, dişmenî bi hovane hêrişê şarî kerd, waşt ke mîyanê çend rojî de îradeyê şarî bişikîno û teslîm bigîro. Gerîla Amed’î vist vîrî ke seba hêrişan quwetê zeryayî zî ameyî erşawitiş. Rizgar Amed’î va, la serkewtişêko waştî destnêvistî û wina dewam kerd: “Ganî şarê ma dûştê ney de vindero. Çimkî Sûr seba şarê kurdî zaf bi erj o. Embaza Zekîye ser Sûrê Amedî de bedenê xo day adirî ver, qîrayîşê zindanê Amedî ser Sûrê Amedî ra vilayê dinya bî û xeyalê Rayberê ma yê tewr gird ser Sûrê Amedî ra bêro duştê şarî. Hetta Rayberîye yew pêvînayîşê xo yê 2008 de yew hewnê xo ra qal kerdbî û vatbi ‘Ser Sûrê Amedî de domanî dormeyê min de kom bibî’. No semedî ra nê polîtîkayî ganî nêrî qebulkerdiş.
ANF/BEHDÎNAN