Endama Koordînasyonê Partîya Azadîya Cinîyanê Kurdistanî (PAJK) Jîyan Lavaye derheqê tecrîdo ke Rayberê Şarê Kurd Abdullah Ocalanî de yeno meşnayîş û çîyê ke rojeve de yî ser o qisey kerde.
Endama Koordînasyonê PAJKî Lavaye va ‘herçiqas ke hende hêriş û zextî estî, labelê reyna zî ma serra 40. ya PKKyî de sey Meclîsê PAJKî kom bîyî û prosesêko hesas de kombîyayîşê xo goreyê xeta xoverdakare ya Endama Îdarekare ya PKK û PAJKî û eynî wextî de Endama Konseyê Fermandarî ya HPG û YJA-Starî Delal Amede viraşt’ û wina dewam kerde: “Embaza ma Delal Amede ke fermandara PAJKî ya xeta Şerê Şorişgêrî bîye, rojeva yewine ra heta rojeva peynî mîyanê heme şîroveyanê ma de ca girewte û mora xo daye kombîyayîşê ma ro.”
Lavaye dewamê qiseykerdişê xo de va ‘Ma kombîyayîş de tecrîdo ke Rayberê Şarê Kurd Abdullah Ocalanî ser de esto û tehlukeyê derheqê weşî û ewleyîya Ocalanî zî girewtî dest’ û wina domnaye: “Wazenî ma mîyanê bêvengîya mergî de biverdî û seke bêvengîye çîyêko normal bo, wazenî bi ma bidî qebulkerdiş. Labelê ma do bi tesîlî qebul nêkerî. Azadî û ewleyîya Rayberîya ma do bibo sebebê têkoşînê ma.”
Şorişê Rojawanî zî nîşaneyê ci yo
Lavaye dewamê qiseykerdişê xo de wina va: “Gama yewine ya şerê parekerdişê dagîrkerîye Rayberîya ma ser de ameye eştiş. Şero ke Kurdistan de yeno domnayîş, tecrîdî reyde hîna kûr beno. Nizdîbîyayîşê înan yê Rayberîya ma, nizdîbîyayîşê înan yê cinîye û şaran o. Rayberîya ma vernîya cinîye û şaran akerdo ke ê tarîxê xo bi hawayo azade awan bikerî û komelo demokratîk û ehlaqî xelq bikerî. Rayberîya ma bi perspektîfo newe yê komel û tarîxî haletê têkoşînî rêxistine kerdo û nînan zî projeya azadîya cinîye û Konfederalîzmî de pratîze kerdo. Şorişo ke Rojawan û Vakurê Sûrîye de esto zî nîşaneyê ci yo.”
Şorişê Rojawanî donemêko
newe dayo destpêkerdiş
Lavaye dîyar kerde ke şer, zulm, rijnayîş û cînsîyetperestî mora xo dayî serra 2017î ro û wina va: “Vera nêyî de şorişê Rojawanî donemêko newe dayo destpêkerdiş. Şorişê Rojawanî ke koyanê Kurdistanî de dest pêkerd û vilayê çar parçeyê Kurdistanî bî, eynî wext rayîrê bi hawayo demokratîke, azade û seypê çareserbîyayîşê probleman zî akerd. Ganî cinîyî her war de hîna zaf xo rêxistine, perwerde bikerî ke bişênbî komelêko azade û seypê awan bikerî. Averşîyayîşê ke Vakurê Rojawanî de benî, heyecan danî merdimî. Rojawan seba awankerdişê ortaxîya cinîyanê Rojhelato Mîyanên cayo tewr munasîb o. Ganî cinîyî baş bivînî ke şer do hîna kûr bibo û goreyê ci xo rêxistine bikerî. Lazim o cinîyê kurd, ereb, armenî, suryanî û asûrî perwerdeyanê akademîkan ra derbaz bibî. Ganî nêro vîrîkerdiş ke rolê rayberîye wina yeno ca.”
ANHA/QAMIŞLO