Dijî nêy polîtîka û astengîyê dewleta tirk zî do pawitoxan 27’ê temmuze de Gemlîka Bursa de bibêy.
Çalakîyê ser pawitoxa Biroya Hiqûqa Seserrî ra Ebru Gunayî wina da zanayiş: “Ti cayeke dinyayî de kerdişeke winayin çin o. No tecrît ne hiqûqa zere yî de, ne zî ya teberî de cayê ci çin o. Tu cayeke dinyayî de çin o ke pawitox bi muvekîlê xo de pêvînayiş mekero.”
16 serré yo ke tecrît esto
Gunayî dergeya qiseyê xo de ard vîr ke 16 serre yo ke tecrîd esto û wina dewamî da qiseyê xo: “Tecrîta ke esto, kêfîyetî ra yo. Polîtîkayê gemarin ra yo. Goreya polîtîkayî tecrîtî giran an zî şenik kenîy. Nîsanî ra naşt giran kerdêy.” Gunayî da zanayiş ke do 27 temûze de rayeke bîn semedo ke pêvînayiş bikerîy ra sere biderêy û vat: “Semedê tecrîtî zî zey, ‘keştî xirabe yo an zî hewa weş nîyo’ mojnenêy. No nîno qebûlkerdiş. Keştîya sifir senî xirabe bena?”
‘Îmralî gere vila bibo’
Gunayî wina domna: “Tersa ma o yo ke tecrîd zaf giranêr bibo. Eke wina bişêro se çiçî bivejyê m eydanî ma nêzanîy. Serekê PKK Abdullah Ocalan 10 aşm o ke bi malbata ci ra pêvînayiş zî çin o. Heyeta HDPî zî 5’ê nîsanî ra naşt nêşîyo Îmralî. No semedî ra lazim o ke pergala Îmralî bêro vilakerdiş û bi muvekîlê xo de ma pêvînayiş bikerêy.”
Gunayî qisekerdişê xo de bal ant azadbîyişê Rayverê Şarê Kurd Abdullah Ocalanî û vat: “Şert û mercêy wedarnayişê tecrîdî yew o. Lazim o peragala Îmralî bêro vilakerdiş û muvekîlê ma azad bibo. Zîndana Îmralî zaf dûr o. Biwazîyo heme çî şîkîyeno bibo. Ez veng dana kesêy ke vanêy ez huqûqwaşteya lazim o ke verbê tecrîda Îmralî de bivindero û vengê xo berz bikero.”