Zîndananê Kurdistan û Tirkîya de zext, hêriş û îşkenceyî nêqedîyenî. Nê zîndanê ke tede zext, hêriş û îşkenceyî nêqedîyenî ra yewe zî Zîndano Padaye yê Cinîyan yê Tarsusî yo û no zîndan tim bi neheqî û îşkenceyan yeno rojeve.
Zîndanê Tarsusî nika bi îşkence û muameleyêko xirab yo bîn ame rojeve. Ame musayîş ke 24ê tebaxe de 6 hepsîyê cinîyî hetê gardîyanan ra ameyî derbkerdiş û erzîyayî hucreyan. Cinîyê ke erzîyayî hucre, çîyê ke cuyayî bi rayîrê telefonan keyeyanê xo ra vatî.
Hepsîyan nê malumatan dayî keyeyanê xo:“Gardîyanan eşt koguşê hûmara C8î ser de û heme çîyî vila kerdî û koguş serûbin kerdî. Koguş de Fatma Gokhane, Guler Aruke, Nevroze, Nuçele, Berîvan Reşîte, Selvî Yilane, Kanîye Agrimane estbîy. Gardîyanan înan derb kerdîy û înan erdî ra kirantî û berdî dekerdî hucreyan. 3 saetî ra dima hepsîyan tepîya ardî koguşê înan. Herçiqas ke hepsîyî hetê şande ra şîyî revîr û raporê derbkerdişî girewtî, reyna zî nêdayî hepsîyan. Gardîyanê bi nameyê Asli, Demete û Ayşe erzenî koguşan ser û koguşan verpêdanî.”
Keyeyî waştî ke wa zext, teda û îşkenceyê ke vera hepsîyan de yenî kerdiş biqedyî.
MERSÎN/ANF