Kitabê ‘Gelo ez cizmeyanê xo veja?’ ke hetê Rojnameger Ugur Şahîn Umman û Rojnameger Onur Yildirimî ke şahidîya çîyê ke Qetlîyamê Soma kerdbîy ra ame nuştiş, vejîya. Kitab hîkayeyanê 301 xebatkaranê madenî û prosesê qetilbîyayîşê karkeran vano.
Nuştoxan ra Onur Yildirimî da zonayen ke ê mîyanê rojnamegerê ke 13ê gulane de şîyî Soma de bîy û çîyê ke ewja de qewimîyayî, nîşandayîşê televîzyonî ra hîna xirabêr bîy.
Yildirimî vist vîrî ke înan germa germe xeberan resnayêne sîteya xo ya xebere û wina va: "Xeberî medyaya komelkî û sewbîna cayan de ameyêne dayîş û ma zanayênê ke do sey qetlîyamanê bînan, do no qetlîyam zî bêro vîrîkerdiş. Cok ra ma waşt kitabêk no derheq de çap bikerî. Hedefê ma o bî ke ma tarîxî binusî.”
Ma eynî çîyan cuyayî
Yildirimî va ‘wexto ke ma kitabî nuşt, ma zaf tesîr bîyî’ û wina dewam kerd: “Mi şahidîya vetişê 301 cenazeyan û lornayîşê merdimanê înan kerd. Reyna wexto ke Serekwezîr ame ewja, ma şahidîya tepişîyayîşê rojnamegeran kerd. Cenazeyê merdiman depoyê beşîlayan de ameybî rakerdiş û hûmarêk dîyabî cenazeyî. Ma kitabê xo de ca dayo dej û problemê ke xebatkarê madenî cuyenî. Ma kitabê xo seba ke no het de hafizayêk awan bikerî, nuşto. Eynî wext de no kitab keyeyê xebatkarê madenî yeno çi mana zî ano ziwan.”
ÎZMÎR