Komîteyê Hadreyîn derheqê nûmayiş de damûstayîneke da. Damûstayîn de hayr oncîya polîtîkayê Almanya ya verra tekoşîna serbestîye şaran ser.
Komîteyî vist vîrî ke çalakî avê serva protesto kerdena polîtîkayanê nêqi yê Almanya sero virajîno.
Almanya krîmînalîzeyî ferz kena
Damûstayîn de hayr ancîya pîyakarîya hikûmeta Almanya bi hikûmeta Tirkîye ser û wina vajîya: “Vakûrê Kurdistan de hetê rejîma faşîst ya AKP ra her roz sîvîlî yenê qetil kerdene, pêro sûke hawa ra bombevaran benê, dewleta Almanya ke mehkeme kerdena siyasetkaranê kurdî ya poşt dana rejîma AKP. Dewleta Almanya serva ke Hereketê Serbestîyê Kurdî krîmînalîze bikero polîtîkayanê bi sîstematîk dana ramitene, onca pêro ray û olaxana gurena ke kurdan ajan bikero. Binêçim kerden, pêgureten, çeyan sayekerdene, tehdît, şantaj û çalakîyan rê herîşan gurene ke cimê kurdan bitersnê. Dewleta Alman festîvalê sportîf û kulturî yê gencan rê raye nêdane, bi qûweta xoyê îstîxbaratî gurena ke pêro hometan, kulturanê ciya asîmîle bikero.
Komîteyê Hadreyîn yê nûmayişê protestoyî yê 9ê Tîrmeh damûstayîna xo de verra polîtîkayanê krîmînalîze û asîmîle kerdene vengê tewrbîyayenê nûmayişê 9ê Tîrmehe yê Dusseldorf da. Komîteyî vist vîrî ke 9ê Tîrmehî de sifte şîyayis û peycoy mîtîng virazîyeno. Komîteyî sifte veng da gencanê welatperwer yê kurd û enternasyonalîst ke tewrê nûmayiş bibê û dûştê îtifaqanê qilêrîn vinderê.
Nûmayiş 9ê Tîrmeh de seat 11.00î adresê Dusseldorf DGB Haus de, Frîedrîch-Ebert-Straße de dest keno ci.
DUSSELDORF