Komxebata Mîyannetewî ya Amûdê ya bi serikê” Qirkerdişo nîjadî û vurnayişî Demografîkî yê Efrînî” ke 3 rocîy dewam kerd bipeynî bî.
Di roniştişê roca 3’ine de qirkerdişêy ke dewleta tirke Efrîn de pêk ardê û çareserîya îşgalkerîya Efrînî amey nîqaşkerdene.
Badê nîqaşan peynînameya Komxebate bi raya pêroyî reyde amî barrekerdene.
Peynînameye hetê Profesora Tarîxê Neweyî û pispora Karûbaranê Îran, Tirkîya ê dozanê Rochelatê Mîyanênî Fereh Sabîre ra amî wendene.
Xalê peynînameye
Di peynînameye de vengdanê xelesnayişê Efrînî îşgalkerîya dewleta Tirke û çeteyanê aye ra ame kerdene. Tay xalê peynînameye wina yê.
- Seba bipeynîkerdişê îşgalkerîya Efrînî hewceyo di welatanê wayir tesîrî de semîner û konferansîya bêrê rodarvistene.
- Seba şopnayişê qerar û waştenameyanê komxebate do kesanê pispor û kesayetê namedaran êy welatê cîyayan ra komîteyêke bêro awankerdene
- Seba kerdene û binlingkerdişanê dewleta tirke êy Efrînî bi belgeyan paştraşt bikerê do navendêka pisporan bêro awankerdene.
- Seba ke di mehkemeyanê mîyannetewî êy eleqedaran de dozê derheqê qetlîam, talan û binlinkerdişê heqan bêrê akerdene do komîteyêka qanûnîbêro awankerdene.
- Seba deşîfrekerdiş û teşîrkerdişê kerdenanê dewleta tirke êy Efrînî de do navendêka resnayişî ya pisporan bêro awankerdene.
- Seba ageyrayişê ca û wareyanê xo êy heme Şarê Efrînî, di asta mîyannetewî de xebatê hetkarîye bêrê destpêkerdene û avervistene.
- Seba xelesnayişê Efrînî veng ro heme şarê kurdî,şaranê Sûrîya û dostan bêro kerdiş ke çalakîyanê xo berz bikerê û reyna seba destnîşankerdişê roca Efrînî ya vengdanê paştîdayişê mîyanetewî bêro kerdene.
- Seba ke cerebeyê îşgalkerîya Efrînî di cayê bînan de nêrê digargkerdiş, heremanê Vakûrê Sûrîya de qewdexeyo esmanî bêro îlankerdene.
- Gere nameyê fermandaranê eskerî êy dewleta tirke û çeteyan ke di îşgalkerdişê Efrînî de ca girewto bêrê serreraştkerdiş û derhqê înan de mehkemeyanê mîyannetewîyan de dozîy bêrê akerdene.
- Seba paştîdayişê koçberanê Efrînî yê Şehba hetê hêzanê mîyannetewîyan ra hetkarîya lezgîne bêro kerdene.
EFRÎN