DÎCLE EHMED / ANHA / KOBANÊ
Partîya Demokratîke ya Kurdan û Endamê Komîteya Merkezî ya Sûrîye Gêlo Îsayî derheqê mesajo ke Rayberê Şarê Kurdî Abdullah Ocalanî pêvînayîşo peyên de dabi ser o qisey kerd. Îsayî va ‘Ocalan seba ke aştî bêro Rojhelato Mîyanên hewl dano’ û da zanayene ke Kurd û Tirkî nêşênî yewbînan ra cîya bicuyî.
Îsayî da zanayene ke seba ke hêrişî biqedyî, ganî kanalê dîyalogî hertim akerde bimanî û wina va: “Seba ke problemî bêrî çareserkerdene, ganî herkes hîra biewnîyo. HDP na babete de eşkeno serkêşî bikero. Bêxera sîstemo demokratîk, ti sîstemêko bîn nêşêno herême îdare bikero.”
Îsayî qiseykerdişê xo de va ‘Ocalanî rayîrê aştîye nîşanê Îraq, Îran û Sûrîye dayo’ û wina dewam kerdo: “Ocalan dîyar keno ke problemê bi dîyalogî çareser benî. Çimkî şer metodê demê vîyarte yî. Ocalan bi hawayo baş zano ke seba çareserîya probleman peynîya peynî do bêrî maseya dîyalogî ser. Cok ra wazeno ke wa sîyasetê şerî ra fek verabidî. Ganî şar zî mesajê Ocalanî rê bibo cewab. Ocalanî Îmrali ra destê xo derg kerd, ganî ma zî destek bidî ci.”