Berpirsê gêrîllayên HPG’ê li sînorê Kerkûk û Mexmûrê, fermandar Egîd Kelarî di vê derbarê de got: “Piştî em ji Celewla vegeriyan cihê we yê li Kerkûkê, daxwaz ji me hatiye kirin ku em tevlî şerê di navbera hêzên pêşmergeyên Kurdistan û çeteyên DAIŞ’ê yê li sînorê gundê Telelwerdê ya li Kerkûkê bibin.” Egîd Kelar wiha got: “Ji niha de hêzên me di nava amadekariyê de ne û ji bo tevlî şer bibin, xwe amadekirine.”

Li Qeretepe û Hemrîn operasyon

Piştî ku hêzên HPG, Pêşmerge û artêşa Iraqê nahyeya Celewla ji çeteyên DAIŞ’ê rizgarkirin, pêşmerge û artêşa Iraq operasyonek li ser gundên derdora Qeretepe û herêma Hemrîn dan destpêkirin. Derbarê van operasyonan de serokê civata nahyeya Qeretepe Rehîm Ezîz got: “Hêzên pêşmergeyan li sînorê Qeretepe ji bo azadkirina gundên dibin destê çeteyên DAIŞ’ê de dest bi operasyonê kirin. Heya niha hinek gund ji destê çeteyan hatine derxistin û dibin kontrola pêşmergeyan dene.” Li aliyê din li sînorê Kerkûkê di navbera çeteyên DAIŞ’ê û pêşmergeyan de şer û pevçûnên dijwar rûdidin. Şer piranî di navbera gundên Mele Ebdullah û Riyaz berdewam dikin. 

ROJ NEWS/KERKÛK