Gerîla Kurdistanê de hina dana, dewleta tirkî ra şaş û maş bîya. Nêzanê se bikerenê. Vanî,"hêrîşe xayîn, hêrîşe qeleş.” Vanî ha vanî…
Kam xayînî, kam qelleşo zelalo. Kurda ca da tirkan înan dest na ser erdê ma. Xayînî kerd. Kurdan tirkî xelas kerdî. Înan hemberê kurdan qelleşî kerd. Dewleta tirk dagîrker a. Kurd mecbûrê welatê xo, tirke xayîn û qelleşî ra bipawenê.
Wexto ke gerîlayê kurd û Kurdistanê, şarê kurd û Kurdistanê pawenê zaf esker û polîsê dagîrker yê tirk yenî kiştiş. Çend rojê peynî de gerîla, artêş û polîsê tirk tar û mar kerdo. Ma biewnê no tar û mar çiqas o. Gerîla çend roj verê cû qezaya Colemerg Çelê de hemberê artêşa tirkî yew çalakî viraşt. Çalakî de di qilê ke artêş ca bibi ame tar û mar kerdiş. Yew qilî de 15 eskerê tirkî amey kiştiş. 25 eskerî dirbetin bîyê. Tayî eskeran xo eşt Çemê Zapî. Gerîla ser eskeran 1 BKC û zincîra BKC, 1 çekê HK-33 û dûrbîne eyê, 1 dûrbîna rojî û 1 bêtel wedera.
Qilê dîyin de zî 21 çeteyên JOH ame kiştiş. Gerîla şi ser 17 tirmê JOH. Ser eskeran 1 sîlahê hawan yê 60î, 1 BKC, 2 HK-33 rakerd. Gerîla tena Kurdistanê de ne, Behrê Sîya de zî eskerê tirk tar û mar kerd. Qezaya Ordu Mesudîye de 4 eskerê tirk amey kişten û 3ê ci zî bî dirbetin. Gerîla ser înan ra zî 2 çekê HK-33, 1 BKC, 1 dûrbîna terma, 1 dûrbîna roj rakerd.
Gerîla welatê Rençber Ezîz Çewlîg de zî felekê tirkan vila kerd. Xora tirk zî vanî, 7 polîsê ma amey kiştiş û 4ê ci zî birîndar bîyê. Hina ayseno ke gerîla do çalakîyanê xo zêde bikero. Çiqas çalakîyê gerîla zêde bibenê, AKP û artêşa tirk zî do roj bi roj tar û mar bibo. Gerîla sey Rençber Ezîz vato,
Wayî danî piro.
Kekî danî piro.
Dadîyê danî piro.
Detkeyna danî piro.
Gerîla hina dano piro ke sey Rençber Ezîz vato, xelasîya dişmenê çîna. Gerîla qesasê hezar serran gêno. Gerîla qesasê Amed-Sûr, Cizîre Botan, Gever, Farqîn, Hezex, Nisêbîn û Şirnexî gêno. Tam wextê gerîla yo. Gerîla qesasê Dadîya Taybet, bebeka Mîray û kalikê aye Remezan gêno. Gerîla qesasê Sevê Demîr, Pakîze Nayir, Fatma Uyar, Mehmed Tunç û Asîya Yuksel înan gêno. Gerîla do qesasê pêronê şehîdanê Kurd û Kurdistan bigero û Kurdistanê Azad zî awanbikero.