Gerîlayan day zonayen ke ê dê doş bidê şarî û dê tekoşînê xo heta merhaleya tewr corîn berzêr bikerê. Gerîlayayan ra Şoreş Çelê vera dîktatorînê Erdogan û faşîzmê AKP veng da heme kurdistanij û çoşmanê demokratîkî.
Faşîzmê AKP bifîme bin
Şoreş Çelê vist vîrî ki fina siftayin Ocalan'î eleqe antbi îhtimalê darbe ser û vat: “Welato ke tede demokrasî çinêbo, darbeyana rî bi rî maneno. Eki Tirkiye goş bidayê Rayver Apo, çiyê ewro benê nêbiyê. Lazimo heme şarê ma û çoşmeyê demokratîkî hem vera darbeya eskerî û hem jî vera darbeya sivîl ê Erdogan û AKP xo ver bidê. Eki bi zey gerîla, şar û çoşmeyê demokratîkî heme cayan de xoverdayişî berz bikirê, mayê bişê faşîzmê AKP bin bifînê.”
‘Ma fedaîyê Rayver Apo yê’
Gerîla Hogir Andok jî eleqe ant lejê îxtîdarî ê Tirkiye ser û vat: Rayver Apo xeylê finan Tayîp Erdogan aya kerd. La belê Erdogan'î goş nêda û wast hegemonyayê xo rono. Peynî de bi darbeya rî bi rî mend. Hogir Andok kerdenê AKP ê vera Ocalan û şarê kurd zey darbey hesibinay û wina rayverînê tirk aya kerd: “Rayver Apo ra xeber nêgirotin, fikarê ma kerdê vêşî. Lazimo rojê ravey, ena mesela zelal bibo. Azadiyê Rayver Apo, qandê ma hedefê en esasî yo. Ma fedaiyê Rayver Apo yê. Ma zey gerîla mayê wezîfeya xo biyarê ca. Eki şarê ma jî, goreyê wasten hereket bikiro, mayê bişê bi ser bikewê.”
Gerîla Şerger Botan jî vist vîrî ki felsefeyê Ocalan'î semedê heme şaran felsefeyê nimûneyo û vat: Coka dewleta tirk Rayver Apo hedef giroto. Şerger Botan heme Kurdistanij û çormeyanê demokratîk ra wast ke, heme cayan de werzê pay û heta ke Ocalan'î ra xeber bigîrê, mevindirê.
Rayver Apo aya kerd
Gerîlaya YJA-STAR Koçerîn Rojîn jî muhîmînê azadiyê Rayverê Şarê Kurd Abdullah Ocalan ard ziwan û rayverîna tirk aya kerd. Koçerîn Rojîn vat ki, hetanî Erdogan û AKP goş medo Ocalan'î iyê talukeyan ra mexelisiyê û wina dewam kerd: “Rayver Apo vera çerxê darbe, çend finî Erdogan aya kerd. La belê goş nêda. Nika cayê hewldanê darbe ra ders vetin de, kewtê derdê destvistinê rantî.” Rojîn qandê azadiyê Ocalan'î veng da heme kurdistanij û çoşmanê demokratîk û înan ra wast ki, seweta azadiyê Ocalan'î seferber bibê.
ANF/BEHDÎNAN