Gever bîyo hêgayê mayînan

ZEYNEP DURGUT / JINNEWS/COLEMÊRG 

2016 ra nata qezaya Geverî ya Colemêrgî de qedexeyê tebervejîyayîşî estbî û o wext ra nata cîsmê ke teqenî ver bi desan domanî merdî û hende zî birîndar bîyî. Qeza de taxan de xeylê awanîyî topê ke bi tanqan ameybî eştiş reyde ameybî rijnayîş û muhîmatê teqayîşî zî nêameyî pakkerdiş. 

Tewr peynî 30ê êlule de Taxa Eskî Kişla de netîceyê teqayîşê cîsmêkî de Erhan Kozayo 6 serreyî birîndar bîbî. Tedawîya Kozayî dewam kena. Babete ser o cinîyî qisey kerdî.

Cinîyan ra Gulê Polate va ‘pêrodayîşan de bi tanq û topan zulmê ma kerdî û cuya ma herimnayî’ û dîyar kerde vera nê teqayîşan de ti tedbîrî nînî girewtiş.”

Gulçîn Karaburke zî wina va: “Ma hertim vera zextan de têkoşîn da. Gever bîyo hêgayê mayînan. Ê se bikerî zî ma do xoverdayîşê xo bidomnî.” 

Dayîkan ra Amîna Oztaşe zî dîyar kerde ke heta nika înan xeylê kesî vînî kerdî û wina va: “Her roje cuya ma û ya domananê ma yena çinîkerdiş. Çi sucê domananê ma esto?”