Gola Çetu

De bê ke verva na dewlete û saziyanê ci hereket mekuye!
Sîstema dewleta tirkî de seweta aleviyan ca çîno. Sîstema dewleta nijadpereste de seweta zafvengiye û zafrengiye ca çîno.
Hetê ra vanê “hukumat amadekariye keno, namê unîversîta Dersîm, Pîr Sultan Abdal” nano pa, hetê ra mehkemê tirk seweta parka Gola Çetu qerarê riznayene dano.
No hukumat çiyê rindî sero qesey keno, hama pratîk de çiyo xiravin virazeno.
Numune: Namê jû pirdî Yavuz Sukta Selîm, qetilkarê aleviyan, panayen a.
Hora taye jiyarê ma binê awe de verdê, nika zî wazenê ma jiyarunê mara tam dûrî fiyê.
Belediya Dersîm karode rind kerdo û seweta qomê Dersîm da jû parke da virastene.
Saziya dewleta tirkî yê karê awe (DSI) rîwalê virastena parke ra verva belediya dawa kerde ra. Mehkemê tirkî emser asma gucîge de qerar da û no qerar çond hefeteyî ra avê belediya rê rusna.
Mehkemê tirk yo faşîst, dismenê kulturê ma, dismenê îtîqatê ma, dismenê rindekiya ma, qerarê riznayena Parka Gola Çetu dano.
Mehkemo faşîst seweta belediya Dersîm 2mîlyon lîra tirkî ra jede ceza peru dano belediya Dersîm. Bi na qerarê xo mehkemê tirkî wazeno gurenayîsê belediya bivindarno û belediye bero îflaz kerdene. Honde ceza girane!
Kam se vano vazo, no qerar siyasiy o û peyê qerarê mehkemî de teqetê bînî estê. Nî siyasetvanî yê, nî rantvanî yê.
Beno ke tayê rantvanî wazenê na parke biherîne û seweta cevê xo biyarê kar.
Mehkemê tirkî qerarê xo de barê riznayene nano ro hermê belediya ser.
No seweta belediya yeno çi mane?
Mehkeme bi na qerar wazeno qomê Dersîm û belediya biyaro têverver.
Siyasî biyayena mehkemî îta de bena zelal, yena verê çiman. Qerarode normal niyo. Rolê siyasetî na qerar de girs o.
Omid bikerîme, ke Tirkiye de xêle însanî seweta Gezî Park wiştîra pay, naye ra tepiya zî seweta Parka Gola Çetu wirzenê ra pay. Qomê Dersîm teyna canêverdanê.
Gola Çetu jiyara ma wa, Parka Gola Çetu warê ma wo.
Se ke şaîr nêvano: “adirê zerrê ma endî têv medê/barsê pêtaga ma qurdî mekerê”
Bimiro zulm û zorvajiya dewleta tirkî!