Wan de 11ê gulane de polîsan eştbî awanîya DBPyî û keyeyan ser, Hemsereka TUYA-DERî Aynur Bagişe û Endama Meclîsê Cinîyan ya DBPyî Mîyaser Çelîke zî tede 11 kesî tepiştbî. Dima ra 6 sîyasetmedarî bi îdîaya ‘Endamê rêxistine bîyayene’ û ‘ser nameyê rêxistine suc kerdene’ ra ameybî tewqîfkerdiş.
Nê 6 kesan ra Bagişe û Çelîke erşawîyaybî Zîndanê Tîpa Tyî yê Wanî û 6 aşmî yo ke sîyasetmedarî tewqîfkerde yî. 6 aşmî ra dima îdîanameyê nê 6 sîyasetmedaran ame amadekerdiş.
Îdîaname de seba ke derheqê Aynur Bagişe de ti suc nêame dîyayîş, muzîkê ke ameyî goşdarîkerdiş suc hesibîyayî. Îdîaname de muzîkê ke ameyî goşdarîkerdiş sey ‘muzîkê rêxistinî’, dolbenda keske, sûre û zer zî sey nîşaneyê ‘endamîya rêxistine’ ameye nîşandayîş. Reyna îdîaname de îfadeyê şahido nimite û kasetê goşdarîkerdişê telefonî zî sey sebebê tewqîfbîyayîşî ameyî nîşandayîş. Îdîaname de bi embazanê xo reyde roniştişê Çelîke, sey ‘kombîyayîşê rêxistinî’ ame nîşandayîş û sebebê tewqîfkerdişî hesîbîyayo. Sîyasetmedarî do 26ê teşrîna verêne de bivejyî hakimî ver.
JINNEWS - WAN