5ê Hezîrana 2012î ra nata bajarê Strasbourgî yê Fransa de vernîya awanîyanê Konseyê Ewropa û CPTyî de seba azadîya Rayberê Şarê Kurdî Abdullah Ocalanî nobete yena tepiştene û na çalakîye çalakîya tewr derge ya kurdan a.
Nobete her hewte hetê grûbêka cîyaye ra yena dewr girewtene. No hewte zî grûba ke bajarê Heilbronî yê Almanya ra ameye, dewr girewte. Na grûbe 5 kesan ra pê yena û nobete hewteyo 322. de bêmabên dewam kena. Çalakgêran vera tecrîdî de reaksîyon nîşan da û bêvengîya dezgeyanê CPT û Yewîya Ewropa û dezgeyanê bînan şermizar kerd. Çalakgêran dîyar kerd ke ê Rayberîya xo ra ti xebere nêgênî û vatî ‘heta ke ma Ocalan ra xebere bigîrî, çalakîya ma do dewam bikera’.
Hewteyo bîn grûba ke bajarê Stuttgartî ra ameybî, nobete dewr girewtbî. Çalakgêran mesajê ‘ma do heta ke Rayberîya xo ra xebere bigîrî, çalakîye bidomnî’ daybî. Heta nika Ewropa de 322 hewteyan de pêro pîya nizdîyê 2 hezar kesî beşdarê çalakîya nobeta azadîye bîyî.
ANF / STRASBOURG