Ronayena Hêzên Rizgarîya Kurdistan-HRK bi çalakîyanê Şemzînan û Dihê, binê rayverîya Mahsum Korkmaz de amê îlan kerdene. Çalakîyê 15ê tebaxe şan de seat 21 û nêm de dest kerd ci. Jû koma gerîla koyê Çirav ra ame bî û qereqolê eskerî sana bî roketan ver. Roketkerdişî ra dima, jû koma gerîla qereqol, jû ya bîne garnîzon, jû ya bînê zî hepisxane xorê kerd hedef. Jû koma bînê yê gerîla zî camîye ra îlanê 15ê tebaxe wendenê. Gerîlayan eskerê ke qereqol de bî, teslîm guretî, dest kerd hacetanê eskerî û seatekê ra tepîya qeza caverdê.
Xoverdayişê Zindanî
Dewleta tirkî hinî emel kerd ke, besekena (êşkena) na xoverdayîsê binê rayverîya PKK demêko nejdî de îmha bikero. Hama dewlete, PKK binê rayverîna Ocalan de na xoverdayîs çitur plan kerdo û kerdo amade, fam nêkerdenê. Ocalan derba ’80î ra avê şî bî Rojhelatê Mîyanî û bingê xildayîsê 15ê tebaxe kerd bî amade. Mehkumanê PKKizan zî hepisxanê Amed de xoverdayîs kerdenê berz. Mazlum Doğan, Eşref Anyık, Mahmut Zengin, Necmi Önen Kemal Pir; Mehmet Hayri Durmuş, Akif Yılmaz hepisxanê amed de xeta xoverdayîşî kerde zelal.
Rayverê Şarê Kurd Abdullah Ocalan bi nê vatenan behshe ê rojan kerdbi: “Estbîyayena jû netew binê tehdît de bîye. Seweta virenîye guretena na halî, xildayîsê 15ê tebaxe bi emego de girs bî amade. Verêcoy seweta xatirê xoverdayîsê girotxaneyê Amed, seweta royê şehîdanê zindanî û seweta virenîye guretena merdena jû qomî na game lazim biye. Ma zî na game estene ra peyser nêvinetimê.”
Şarê kurd her hetî ra avey şi
Vejîyayîsê 15ê tebaxe binê şertanê zehmetî de û bi îmkananê xo, jû xoverdayîs bî. Na xildayîs ra tepîya, 4 leteyanê Kurdistanî de qomî bi yardimê xo na tekoşînê rê wayîr vejîyayî. Na tekoşîn 28 serrene teyna verva dewletanê kolonyalîstî pêrodayîsê eskerî îfade nêkena. Bi xildayîsê 15ê tebaxe, qomê kurdî hetê siyasî, sosyal û kulturî ra zî xêle çî qezenc kerdî. Na xoverdayîşî polîtîka dewletanê kolonyalîstan yê asîmîlasyon û înkar zî kerdî têser û tê bin ra. Bi taybetî dewleta tirkî vat, ‘ha ewro ha meste, ma nînan qedîneme’, naye de sernêkewte, binde mende. 1984 ra na het Tirkîye de 6 serokkomarî, 10 serokwezîrî, 17 hikumetî amey û şî. Hama a diroke 15ê tebaxe fîştra ci, ewro hebena har vêseno, qomê kurdî na roze xorê jê roşane îlan kerda û her serre keno bimbarek.
NAVENDÊ XEBERAN