Polîsan şewa verî eştî keyeyê akademîsyen Nûriye Gulmen û mamoste Semîh Ozakça yê ke seba ageyrê ser karê xo 76 rojî yo grevê veyşanî de yê ser û înan tepiştî. Nûmayîşê Gulmen û Ozakça yê ke karî ra amey îxrackerdiş û dûrvistiş, seba ke ageyrê karê xo ser, roja 76. de rameno. Quwetê dewlet ke tehamulê nûmayîşî nêkena çend reyî hêrîşê nûmayîşî kerd, şewa verî zî eşt keyeyê Gulmen û Ozakça ser. Netîceyê sereştişî de hurdî nûmayîşkarî amey tepiştiş. Polîsan Ozakça û cinîya ci Esra Ozakça ra pîya pawitoxê înan Ayşegul Çagatay û Ebru Timtik zî tepişt. Herzewbîn polîsan şewa verî saet 01.12 de eşt ser keyeyê Nurîye Gulmen zî ser û aye tepişt. Pawitox Selçuk Kozagaçliyî derheqê tepiştişê Gulmen û Ozakça de dîyar kerd ke, eke wextê tepiştişî derg bikerê, dê şekir û aw zî nêgîrê.
ANQARA