“Bela ne qerbeleka.
Tilik ne qerçêle..
Suslî ne qerpale rut û put
Milçewt ne mizawira qesas girewtîya.“
Sey no şîîrî de wexto ke PKK rabî û ameya awankerdiş rewşa PKK hina bi. PKK hina rabî, se yew deyîr de yeno vatiş
Deşt û koyan ra vila bî.
Reyna sey vanî, sibe ra verdena û la yewî ra veranîdana.
Reyna sey Serok APO vano, PKK qet û qet binnîkewna.
Deşt û koyan ra vilabîyayîş kiştê ke de, ewro PKK pêronê Rojhilate Mîyanên de bîya hêzê yewin. Dinya ra vila bîya. Sey hêzê xelaskar yê însanîyete yena dîyayîş. Raştî de zî hina ya. Bena AKP û dewleta tirk ewro zaf şerê taybet biramenê û vajenê ma darbe dawo PKK ra. La raştî tersê no vatişê AKP û dewleta tirkîya yo. Yew tena biewno fîrazkerdişê serrgêre awankerdişê PKK yê emserr heme çîyê hol û rind yenî dîyayîş.
Emserr teberê welatî de hema hema pêronê dinya de awankerdişê PKK pê coş û hûmarêk zaf zêde ame fîraz û bimbarekkerdiş. Almanya ra heta Norweç, Norweçî ra hetanê Awustralya, Awustralya ra hetanê Japonya, Japonya ra hetanê Amerîka û Kanada no fîrazkerdiş bibi. Dîroke de fîraz û bimbarekkerdişê hina nîameyo dîyayîş.
Na raştî mîyanê şarê kurdî de zî yena qiseykerdiş. Herkes vano fîraz û bimbarekkerdişê awankerdişî yê emserrî pêronê seranê bînan ra hîna biheybetî derbas bi. Herkesî moralek zaf gird girewto. Hevîyê herkesî hîna zêde bîyo. Herkes bi şadî bîyo.
Nayîn ra hîsse qesasgirewtişê herkesî zî zêde bîyo. Meşê ke seba qedexê PKK bîyero rakerdiş nê meşan de zî eynî çî bibi. Xora pêronê dîmenê ke medya de yenî weşanayîş ayî dîmenan de weş yeno dîyayîş. Emserr qey awankerdişa PKK serêk taybet asena. Şarê kurdî veng û veng nîvano “PKK şaro, şar zî tîya de yo.”
PKK û şar meydan de yo. Vendenê vanî Ey neyar(AKP û dewleta tirk)! Biewnê ma meydan de yê. Ma peynîyê to anî. Raştî zî hinaya.
Do PKK peynîye AKP û dewleta tirk bîyaro.