HDP badê eşkerekerdinê lîsteyê namzedan û dazanayinê weçînayin, nika jî xo qandê mîtînganê girdan kena hedre.Mîtîngê HDP 3‘ê gulan Tekîrdag de start bigirê û 5’ê hezîran Gever de biqediyê.
HDP çarçiweyê xebatanê weçînayinî de, bi siloganê “Weçîna Newî” 41 cayan mîtîngê girdî virazê.
Bajaranê bînan de jî, xebatanê weçînayin bi akerdinê buro, konvoyan û ziyaretê mahla û dewan biramo.Eynî wext de, teverê welatî de jî, HDP xebatê ciya ciya ê qandê weçînayini biramo.2’ê gulan de, Parîs û Strasbourg de, 2 mîtînganê gird virazo.Hevserok Selahattîn Demîrtaş tewrê mîtîngê Parîs û Fîgen Yuksekdag jî tewrê mîtîngê Strasbourg bibê.Bado jî, mîtîngê Bakurê Kurdistan û Tirkiye dest bikirê ci.Hevserok Selahattîn Demîrtaş û Fîgen Yuksekdag ciya ciya tewrê mîtîngan bibê.
HDP’ay fina siftayin, sûkanê muhîm ê Tirkiye ê zey Çorum, Qeyserî û Artvîn de mîtîngan virazo.
Sûkanê zey Estenbol, Amed û Adana de, qandê mîtînganê gird, dikê roniyo, la belê sûkanê bînan de, otobusê weçînayin û tiran ra xîtabê welatijan bibo.
Mîtîngê HDP jî, 3’ê gulani de, Tekîrdag ra start genê.Hevserok Fîgen Yuksekdag tewrê mîtîngê siftayin ê Tekîrdag bibo û namzedanê xo bido silasnayin.HDP’a bi mîtîngan mesajanê tarîxî jî bido.
Înan ra jew mîtîngê Dîloko û rastê rojê şahadetê ronayoxanê PKK ra Hakkî Karer 18”ê gulan ardiyayo.Eynî roj, rojê şehadetê Îbrahîm Kaypakkaya, Fevzî Aslansoy û şehîdê şewa 4”an Ferhat Kurtay, Eşref Anyik, Mahmut Zengîn û Necmî Oner o.
Tarîxê mitîngan
Bi enê mîtîngiya şehîdê 17-18”ê gulan biyariyê vîrî.
Tarîxê heveyê mîtînganê HDP winayo:
3’ê gulan Tekîrdag
9’ê gulan Çewlig û Mereş
10ê gulan Erzirom û Hatay
17’ê gulan Adana
18ê gulan Dîlok
23’ê gulan Wan
30’ê gulan Estenbol,
31’ê gulan Amed, Enqere û Samsûn
3’ê hezîran Mêrdîn
5ê hezîran Colemerg
NAVENDA XEBERAN