HDP ya ku bi hezaran siyasetvan û xebatkarê wê zindankirî ne, li her derê li rastî êrîşên dewleta Tirk tê, bi rêjeya ji sedî 11.83 ray bidestxistin. Bi vê serkeftinê jî 67 parlamenter derxistin. HDP li 11 bajarên Kurdan bû partiya yekemîn û li gelek bajarên Tirkiyeyê jî hejmara rayên xwe zêde kir.

Li Bakurê Kurdistan û Tirkiyeyê hilbijartinên 24’ê Hezîranê bi zext û zorên AKP-MHP’ê qediya. Li gorî encamên ne fermî HDP’ê bi rêjeya ji sedî 11.83 dengan benda hilbijartinê şeqitand û 67 parlementer (dibe ku ev hejmar piştre biguhere) derxistin. Namzedê serokkomariyê yê HDP’ê Selahattîn Demîrtaş jî ji sedî 8.40 ray stend. Her wiha HDP li 11 bajarên Kurdistanê bû partiya yekemîn û li heft welatên derveyî Tirkiyeyê bû partiya yekemîn. AKP´ê 293, CHP 146, MHP 50 û İYİ Partî jî 44 kursî li Parlamentoya Tirkiyeyê bi dest xistine. Serokê AKP´ê Recep Tayip Erdogan jî bi rêjeya ji sedî 52.59’an dîsa bû serokomarê Tirkiyeyê.

HDP konsepta şer a AKP-MHP benda ji sedî 10 hilweşand. Li gorî rapora ÎHD û TÎHV’ê, 48 saet beriya dengdanê 93 caran êrîş li HDP’ê hatin kirin û yekane partiya ku di dema hilbijartinê de êşkence li endamên wê hate kirin jî HDP bû. 3 HDP’yî hatin kuştin, 49 kes bi lêdanê birîndar bûn. 361 HDP’yî hatin destgîrkirin, 13 hatin girtin. 17 mîtîng û xwepêşandanên HDP’ê hatin qedexekirin. YSK li ser daxwaza walîtiyan, sindoqên ku 144 hezar dengdêr li 19 bajaran dengê xwe biavêjin, bi bahaneya “ewlekariyê” rakirin cihên din. Sindoqên ku bi rêjeya 70-80 ji sedî deng jê ji HDP’ê re derdiketin, birin gundên noker û cerdevanan. Ambargoya medyayê danîn ser HDP’ê. Zext û zordariya desthilatdariya AKP-MHP’ê heta dema dengdanê jî dewam kir.

25 jê jin in

Lê tevî zor û zext, fen û futên AKP û Tayîp Erdogan HDP benda ji sedî 10 derbas kir. Li gorî encamên ne fermî, Partiya Demokratîk a Gelan (HDP) ji sedî 11.6 deng stend û 67 wekîl bi dest xistin ku 25 ji van wekîlan jî jin in.

Li 11 bajarên Kurdistanê HDP bû yekemîn

Her wiha HDP bi rêjeya sedî 11.83 li 11 bajarên Kurdistanê jî  bû partiya yekemîn. HDP li Îdir, Wan, Colemêrg, Şirnex, Amed, Mêrdin, Dersim, Êlih, Agirî, Sêrt û Mûşê bû partiya yekemîn. Her wiha dengên HDP’ê li metropol û bajarên Tirkiyeyê jî zêde bûn.

Rêjeya dengên HDP’ê ku li Kurdistanê bû yekemîn wiha ye;

Amed: HDP: %65.78, Selahattîn Demîrtaş: % 61.28

Dersim: HDP: %51.25, Selahattîn Demîrtaş: % 21.14

Agirî: HDP:  %62.60, Selahattîn Demîrtaş: % 61,28

Mêrdîn: HDP: %59.78, Selahattîn Demîrtaş: % 58. 71

Êlih: HDP: %62.89, Selahattîn Demîrtaş: % 62.59

Şirnex: HDP: %70.79, Selahattîn Demîrtaş: % 72.06

Sêrt: HDP: %51.70, Selahattîn Demîrtaş: % 49.23

Colemêrg: HDP%:70.08, Selahattîn Demîrtaş: %70.82

Wan: HDP: %59.50, Selahattîn Demîrtaş: % 58.38

Îdir: HDP: %43.85, Selahattîn Demîrtaş: % 45.11

Mûş: HDP: %49.81, Selahattîn Demîrtaş: % 53.27

HDP li heft bajaran

Li Elmanyayê 718 hezar, li Fransayê jî 170 hezar û 901 hilbijêrî dengê xwe dan.

Li gorî encamên ne diyar, AKP’ê 52.5 ji sedî yê dengan, CHP’ê 17.3 ê dengan, HDP’ê 16.5 ji sedî yê dengan û MHP‘ê jî 8 ji sedî yê dengên li derveyî Tirkiyeyê stendin.

HDP mîna li gelemperiya Tirkiyeyê, li derveyî welat jî bû partiya sêyemîn. Lê belê li gorî vê tabloyê, dengên HDP’ê li gorî hilbijartina Mijdara 2015’an kêm bûne.

HDP’ê di hibijartinên 24’ê Hezîranê de li derveyî Tirkiye 170 hezar û 231 deng girt. Di hilbijartina Mijdara 2015’an de bi rêjeya 19.1 ji sedî 220 hezar û 59 deng stendibû.

Li Elmanya û Fransayê dengên HDP´ê kêm bûne

Li Elmanyayê ku hilbijêr herî zêde lê ye, rêjeya dengên HDP’ê ji 15.9 ji sedî daket 14 ji sedî. Li Fransayê ji 25 ji sedî daket 23 ji sedî.

HDP’ê li Fînlandiya, Îngilîstan û Iraqê dengê xwe zêde kir.

Li heft welatan

Heft welatên ku HDP lê bû partiya yekemîn: Îngilîstan (%48), Fînlandiya (%49.2), Iraq (%47.9), Swîsre (%39.7), Îtalya (%35.2), Japonya (%44.3), Ûkrayna (%39.5).

HDP’ê tevî vê yekê li van welatan jî bi rêjeyeke bilind deng stend: Swîsre %35.2, Kanada %31.7, Yewnanîstan %33.9, Romanya %26.5, Bahreyn %25.8, Îrlanda %24.8, DYA %20.6, Federasyona Rûsya %19.5, Çîn %18.6.

 

NAVENDA NÛÇEYAN

 
 

Lîsteya parlamenterên HDP’yî

EDENE

Tulay Hatimogûllari Orûç

Kemal Pekoz

AGIRÎ

Berdan Ozturk

Dîrayet Dîlan Taşdemîr

Abdûllah Koç

ENQERE-1

Fîlîz Kerestecîoglû Demîr

ANTALYA

Kemal Bulbul

ÇEWLIG

Erdal Aydemîr

BEDLÎS

Mahmût Celadet Gaydali

AMED

Adnan Selçûk Mizrakli

Salîha Aydenîz

Îmam Taşçier

Remziye Tosûn

Hîşyar Ozsoy

Semra Guzel

Garo Paylan

Dersîm Dag

Mûsa Farîsogûllari

DÎLOK

Mahmût Togrûl

COLEMÊRG

Leyla Guven

Saît Dede

Ozgur Zeydanoglû

HATAY

Bariş Atay Mengulluoglû

MERSÎN

Fatma Kûrtûlan

Ridvan Tûran

STENBOL-1

Pervîn Bûldan

Mûsa Pîroglû

Erkan Baş

Erol Katircioglû

STENBOL-2

Ahmet Şik

Oya Ersoy

Huda Kaya

STENBOL-3

Zeynel Ozen

Dîlşat Canbaz Kaya

Hakki Sarûhan Olûç

Alî Kenanoglû

Zuleyha Gulum

ÎZMÎR-1

Serpîl Kemalbay Pekgozegu

ÎZMÎR-2

Mûrat Çepnî

QERS

Ayhan Bîlgen

KOCAELÎ

Omer Farûk Gergerlîoglû

MÊRDÎN

Mîthat Sancar

Pero Dundar

Tûma Çelîk

Ebrû Gunay

MÛŞ

Gulîstan Kiliç Koçyîgît

Mensûr Işik

SÊRT

Meral Daniş Beştaş

Sidik Taş

DERSIM

Alîcan Onlu

RIHA

Nîmetûllah Erdogmûş

Ayşe Surucu

Nûsrettîn Maçîn

Omer Ocalan

WAN

Sezaî Temellî

Bedîa Ozgokçe Ertan

Mûrat Sarisaç

Mûazzez Orhan

Tayîp Temel

ÊLIH

Feleknas Ûca

Necdet Îpekyuz

Ayşe Acar Başaran

Mehmet Ruştu Tîryakî

ŞIRNEX

Hasan Ozguneş

Nûran Îmîr

Huseyîn Kaçmaz

ÎDIR

Habîp Eksîk