Şirnex de amadekarîyê weçînayîşî bêmabên dewam kenî. Çarçewaya xebatanê weçînayîşî de cinîyî qisey kerdî û qala muhîmîya weçînayîşî kerdî.
Cinîyan ra Elfesya Nase daye zanayîş ke HDP hêvîya cinî û ciwanan o û wina va: "Ma şirnexijî ganî mîyanê têkoşînê aştîye de bî. Merdim ser na herre de nêeşkeno bê xebate bivindero. Merdimî xo baş hîs kenê. Wexto ke mi no qerar da ez Haci Loqman Bîrlîk û Mehmet Tunçî ra tesîr bîya. Ez cesedo ke dolaba cemedî de ame nimitiş bi ra tesîr bîya."
Elfesya dîyar kerde ke ê bawer kenî ke do 24ê Hezîrane de serbikewî û aye heme kesê ke wayîrê wijdanî yê, dawetê HDPyî kena.
‘Ez sey dayîkêk û cinî vana HDP’
Nurcan Alturke zî va ‘ser na herre de seba ke zulm peynî bibo, ez beşdarê xebatan bîya’ û wina dewam kerde: "Kesê hewl danî ma bitersnê, ma hîna zêde xurt kenê. Ma hîna zaf bi yewbînan gênê. Ez hem domananê xo ra ewnîyena û hem zî xebatanê HDPyî de ca gêna. Ez veng dana heme cinîyan ke wa dormeyê partîya xo de bibî yew. Sey cinîyêk û dayîkêk ez vana HDP.”
JINNEWS/ŞIRNEX