Kombîyayişî de qerarê bi tewrbîyena hemserokanê HDP viraştişê mitîngan ame giroten. Herzewbîn kombîyayişî de vajîya ke bi bi pirodayiş û herbî wazenê bingeyê derbe hertim ganî bitepşê û dûştê nayî de hewcedarîya nexşeraya newî ame rojdem. Serva ronayişê haştîya mîyanî xêlê babedî amey qiseykerden. Kombîyayiş de rişnayişê heteyî hetê Îmrali û Qendîl zî amey qiseykerden.
Amed ra heta Stenbol
Kombîyayişî de xêlê qerarî amey giroten. Nê qeraran ra jû zî viraştişê mitîngan o. HDP do sûkanê zey Wan, Amed, Stenbol, Îzmîr, Mersîn û Dersim de bi slogana ‘Derbeyan rê nê, demokrasî nika’ mitîngî virazo. Hemserokê HDP Fîgen Yuksekdag û Selahattîn Demîrtaş zî dê tewrê nê mitîngan bibê.
Mitîngan ra pîya 40 navendan de kombîyayişê hera dê virazîyê. Kombîyayişî dê 30ê Tîrmehî de destpa bikerê û heta 24ê Tebaxî biramê. Kombîyayişan de babedê rêxistinbîyayen û perwerde zî dê bîrê qiseykerden.
DÎHA/ENQERA