Teqayîşê Beşîktaş a Stenbol ra dima hikûmeta AKP HDP hedef damûsna û vera HDP seyda binçim girewtişî destpa kerd. Netîceyê operasyonanê qirkerdişî de 215 ra vêşêr îdarekar û endamê HDP girotîyay bin çiman.
Roja Şeme qezaya Stenbol Beşîktaş de vera quwetanê dewlet hetê Teyrêbazên Azadiya Kurdistan TAK çalekîyeke virazîya. Goreyê dayeyanê dewlet 44 kesan weşîya xo kerd vinî. La TAKî aşkere kerd ke çalekî de 100 ra vêşî polîsî merdê û bi desanê ci zî bîye dirbetin. Na çalekî ra dima pela binçim girewtişan zî destpa kerd. Seatanê teqayîşî de 13 kesî amey binçim girewtiş. Dima ra zî vera HDP operasyonê qirkerdişî Stenbol û xêlê sûkanê bînî de destpa kerdî.
Partîya Demokratîk a Şaran (HDP) ke derheqê operasyonê binçim girewtişî de damûstayîn da aşkere kerd ke heta nika 216 endam û îdarekarê înan amey binçim girewtiş.
HDP da zonayen ke 22ê Tîrmeha 2015î ra na het 7 hezar û 275 endam û îdarekarê HDP û DBP amey binçim girewtiş û nînan ra 2 hezar û 345ê ci tepişîyay.
9 sûkan de 216 kesî girotîyay bin çiman
Teqayîşê Stenbol ra dima vatişê Wezîrê Karê Zerrî Suleyman Soylu damûstayîn da û va, “Heta meşt ma dê heyfê ci bigîrê” zey ferman amey ca û vera endam û îdarekaranê HDP 9 sûkan de operasyonê qirkerdişî destpa kerdî. Stenbol, Enqera, Edena, Mersîn, Manîsa, Dîlok ra pîya xêlê sûkan de 216 hemserokê sûk û qeza, endam û îdarekarê HDP amey binçim girewtiş.
NAVENDÊ XEBERAN