Partîya Demokratîke ya Şaran (HDP) seba ke ziwanê Kurdî aver şêro, kampanyaya ziwanê dayîke daye destpêkerdene. Sey gama sifteyîne ya kampanya, çalakîyê Nobeta Demokrasî do biaçarîyê kursîyê ziwanê dayîke. Do Kongreya Komelê Demokratîkî, Partîya Herêmanê Demokratîkan (DBP) û Platformê Ziwanê Kurdî zî destek bidî kampanya.
HDP do çarçewaya kampanya de nê çalakîyan de bi hawayo sembolîk dersanê ziwanê Kurdî bido. Verfekê Platformê Ziwanê Kurdî Şerefhan Cizîrîyî derheqê kampanya de qisey kerd û bale ante muhîmîya kampanya ser. Cizîrîyî da zanayene ke ganî ziwanê Kurdî her hetê cuye de bêro xebetnayene.
Cizîrîyî dîyar kerd seba ke Kurdî sey ziwanê propoganda bêro bikarardene û averberden, ganî her ware de xebatî bibî û wina dewam kerd: “Ganî ma ziwanê Kurdî vilayê heme cayan bikerî. Na nîna aye mana ke ma vera ziwananê bînan de yî. Wa heme ziwanî bêrî qiseykerdene, labelê ma Kurd î û ganî ma heqê xo yê qiseykerdişê Kurdî bikar bîyarî.”
AMED