Partîya Demokratîke ya Şaran (HDP) do vilaweka ke seba îttîfaqê kurdan amade kerda, ewro aşkere bikera. HDPyî îzehetêk da û îzehetê xo de da zanayîş ke ê do seba têhet ardişê hêzanê muxalîfan, ewro perspektîfêk aşkere bikerî.
HDPyî îzehetê xo de vato ‘seba çareserîya problemê kurdî, xebatê îttîfaqî resayî merhalêk’ û îzehet wina domîyayo: “Munaqeşe û pêvînayîşê ke na çarçewa de yenî kerdiş, bi hawayo bîyaye derbaz bîyî û heta nika xeylê hetan reyde pêvînayîşî ameyî kerdiş. Donemêko winasî de guneyê teberê yewîye de mendişî giran o.”
HDPyî dewamê îzehetê xo de qala muhîmîya pîya hereketkerdişî kerdo û wina vato: “HDP tena seba weçînayîşî nizdîyê nê îttîfaq û yewîye nêbeno. Goreyê ma seba çareserkerdişê problemê kurdî û demokratîkbîyayîşê Tirkîya her îttîfaq muhîm o. Labelê îttîfaq û têkilîyê demkî zî hetê polîtîkaya reele ra muhîm î. HDP hetê çareserîya problemê kurdî partîya tewr tecrubeyin a. Heta ke no problem çareser nêbo, problemê demokrasî zî çareser nêbeno. Metnê ma yê îttîfaqî do hetê hemsereka ma Pervîn Buldane ra bêro aşkerekerdiş. Ma paweyê heme hetan î ke wa binê banê HDPyî de bêrî têhet û destek bidî vilaweka ma.” ANF/ANQARA