Rojê kilm weçînayişê 7’ê hezîranî ra mendî, no weçînayişê de rayê elewîyan wayîrê muhîmîyeke gird o. Nuştox û roşnvîrê elewî dîyar kerdî ke HDP beyannameyê xo ya weçînayişê de ca da waştişê bingehîn ê elewîyan, komeleya elewîyê ra eleqayeke gird vînena û destnîşan kerdî ke komeleya elewîyê AKPê zey ‘rayvistişê cîhadî’, CHPê zî zey partîyeke nêeşkeno çareserîyê hilberînê bikero vînenî.
Komeleya elewîyê hetanê nika bi polîtîkayan amey qetilkerdişî û no terteleyê elewîyan zî dema Yavuz Sultanî ra dest pê kerd û teberê pergalê ame veradayişî û dijî ‘Senteza tirk-îslamê’ hetê partîyê têgina ‘Laîk-demokrasîyê’ vejenê ver, çareserîyê gêrenî.
AKPî ra xelisyayiş
Nuştox Murat Işik: Weçînayişê verê ma de seba elewîyan wayîrê muhîmîyeke dîrokî yo. Qewimyayişêke Rojhîlatê Mîyanin de qewimyenî, bandoreke xurî heme şar û bawerîyan de kenî. Kaosa estî û hovîtîya DAIŞê rayeke sewbî nişan day ke Rojhîlatê Mîyanin de, şar û bawerî bêyî rewşeke rayvistişî û bêpawiyayiş nêeşkenî biciwî.
No ser zî heme pêkameyişê komeleyê seba pawiyayiş û bîyîşê xo, xo birayvistiş kenî û seba bibê wayîrê statuyeke têkoşîn danî. Bê şik qewimyayişê estî, rayvistbîyîşê ser elewîyan zî ferz kena. Elewîyê ke bi seyan serran terteleyê û polîtîkayê qirkerdiş ra raşt amey, êdî benî wayîrê zîhnîyeteke newe ke ameyoxê xo bi xo dîyar bikerê. Seba ke hem rayvistbîyîşê înan ê heta nika hem zî hewldayişê înan a tifaqê, tade pergala ke kerda û nêeşkenî netîce bigêrî. Komeleya elewî ke yena vatiş nufisê xo pancê-vîst mîlyon î, seba dîyarkerdişê ameyoxê nêçare hêza xo bikerê yew. Ganîyeya komeleya elewî xelisnayayişê tade û polîtîkayê asîmîlasyonê, bedilnayişê hêzeke demokrasîyê esta. Seba ke weçînayişê demeke bi no rengî dîrokî de pê yena, seba elewîyan muhîm o. Lazim o komeleya elewîyê, ê weçînayişan zey ravêreyeyeke qelskerdişê AKP û pergalê û awankerdişê demokrasîyê binirxnê. Lewma weçînayiş seba elewîyan wayîrê muhîmîyeke dîrokî yo.
Ya no peynî rewşa serberzîyê binê û seba hawanayişeke komeleyî zey; ya zî ê bin polîtîkayê tertele û qirkerdişê yê estî de fina komeleya êzidî bimanî. Bi awayekî dîrokî vînkerdişeke gird biciwî. No ser zî yewê komeleya elewî roja ewro de têkşîyîşeke mend û nêmanî meşîyenî. Elewîyê ke hetê pergalê zey merdim zî nînê vînayiş, kamî û bawerîya xo yena înşakerdiş ya zî bi qasî ‘Elewîyê dewletê’ yenî qebulkerdişî, bê şik wa dijî no têkilîyê lêmin ra bivejî. Seba ke bawerîya elewîyan bawerîyeke bê dewlet o. Elewîyan tu rayî bîat dewletê ra nêkerdî. Roja ewro de hewl yena dayiş ke elewî mîyanê pergalê de bêrê têlewe û cewhera xo ra bêrê dûrvistişî.
Elewîyê teberî
Nuştox Fazil Ozturk: AKPê senî ke ravêreyeya aştîyê mîyanê demê de vila kerd û verê tengayê akerd, ravêreyeya bi ma elewîyan de zî meşna zî, bi heman rengî bî. Yê ke destpêkê de bi înan de têgerîyan, partîya înan bîyê wekîl zî, bi demê ra bîyê dijî înan. Dema ver çiman ra bêro girewtiş ke pêroyina ciwanê ravêreyeya Gezî de amey qetilkerdiş ciwanê elewî yê, no bêro vînayiş ke elewî destpêkê bi awayekî radîkal dijî pergala înan a dizdekerdî de yê. Labelê dinya dinyaya milk û desthîlatdarîyê yo.
AKP zî no milkê dinyayê birewmno wa, vila kena û diznena. Her çend ma elewîyan temsîl nêkeno zî, hûmarê merdimê seba înan kamîya elewîtîyê bikar aneno, nê kem o.
Eke ma elewîyê ser sifreya zaliman de xo wayîrê kenî rêz nêmojnî, no weçînayişî de ê elewî hetkarî bidê HDPê.
FERHAT ARSLAN / ANF
CHP dijî pergala serektîyê qels a
Cigêrayox û nuştox Yusuf Baranbeyî: Netîceya cigêrayişê ma yê heremê komeleya elewîyê de cuyenî de; elewîyan heta roja ewro weçînayişan de tercîheke kerdî, seba ke partîyeke sewbîn a alternatîf çinêbî, rayê xo daynê CHPê ya têgina laîktîyê bikar aneno. Vejîya projeyê HDPê û komkerdişê hemê cayêrengîyan mîyanê xo de, elaqeyeke gird bi xo ra afîrna. Her wina bawerîyeke gelekî gird seba HDPê esto. Elewî vanê; wa ma no firsendî dest ra veranêdî. Bi fikar çîyê û ameyişê Tayîp Erdogan a ver bi Erebîstana Siûdî şopnenî. Wayîrê şîroveyê ‘Min qesir viraşt, padîşahê bidê min’ o. Dema merdim na rewşê ra biewno, yewna vînayiş ke CHP rewşeke bieşko asteng bikero de nîyo.