Kongreyê Komeleya Demokratîk peyniya hefte kongreyê awarte viraşt û xêlê babetan de qerarê newî girot. Leyla Guven ke kongre de zey Hemseroka newî yê KCD weçîniya,  derheqê gureyînanê newî de zonayişî day. Guven vist vîrî ke Tirkiye û Kurdistan demekê awarte ra vîrena ra û hayr ant xoverdayişê xorayberdişan ser. Guven da zonayen ke, vera waştena xorayberdişan dewlet polîtîkayanê qirkerdin û rijnayen ramena. Guven vist vîrî ke no lej şexs dê şarê Kurdistan pêrokîn şaran hedef gêno. 


KCD xo kerd newe 

Hemseroka KCD Leyla Guven da zonayen ke, kongre serva ke no demî de rêxistinbiyîn hona jêde quwetîn bikerê û pêrokîn şiyayişan rê bibê cewab viraziyayo û wina va: “Herzewbîn KCD serva ke xo bikero newe kongreyê winayîn hewce dî. Serva cewabbiyayişê waştenanê şaran rê û serva temsîliyeta raşt kongre viraziya”. 


Serva çarekerdişî hewl danime

Guven aşkere kerd ke KCD do pêrokîn raveyşiyayişan rê bibo cewab û da zonayen ke mesajê ke kongre de amey dayen zaf muhîmî bî. Guven eleqe ant newe ra dîzaynê Rojhelatê Miyanî de rolê kurdan ser û qiseyê xo wina domnay: “Raveyşiyayiş û newe ra dîzaynê Rojhelatê Miyanî rojdem de yo. No dîzaynî de kurdî zî wayrê qiseyan ê. Kurdî dê helbet no rewşî de bêveng nêmanê. KCD zî do no çarçewe de serva çarekerdiş hewildayen damusno. 


14 komîsyonê KCD estê 

Leyla Guven vist vîrî ke gureyînê KCD hetê 14 komîstoyê ke temsîlkaranê şar û sazgehanê civaka sivîl ra ca yenê, yenê ramiten û aşkere kerd ke no pêvacoyî de komîsyonî wayrê mîsyonekê muhîm ê. Guven eleqe ant qerarê mulkkerdişê Sûr’î ser û wina va: “Bi polîtîkayanê mulkkerdişî hewl danê jew tarixî çinî bikerê. KCD do dûştê nay de vindero, zanayişê raşt bido şarî. Hemseroka KCD Guven diyar kerd ke KCD do bi pêrokîn sazgehanê civaka sivîl û bi partîyanê kurd ra piya gureyinê wertex biramo. 


Serbestiya Ocalan’î 

Guven da zonayen ke KCD do vera tecrîdê dûştê Rayverê Şarê Kurd Abdullah Ocalan’î û herbo ke Kurdistan de yeno ramiten de gureyînan biramo û nê zonayişan day: “Ma dê polîtîkayê dûştê herbî esas bigîrê. Hedefê esasî yê KCD ronayişê jûyîna neteweyî yê kurdan o. Bi serrano waştena viraştişê konferansê Kurdistan yê Ocalan’î esto.  KCD serva viraştişê no konferansî do gureyînan biramo. Reyna KCD do mudaxîlê kurdanê çar leteyê Kurdistan bibo û serva çarekerdişê ci wayrê qiseyan bo. Guven peynî de aşkere kerd ke serva ke statuyê Rojawa bîro silasnayen dê mudaxîlê pêrokîn gureyînan bibê.  


 DÎHA/AMED