Pêşangehê ‘Vengê tilîlîyan’ taxa Otlû yê qezaya Riha Sêwereg de abiya. Pêşangeh (sergî) o ke bi piyakariya hunermendê resîman Gul Ertûnan û Sedat Kiran de viraziya de hayr anciya temaya weşîya ceniyê ke Kurdistan de cuwyenê ser. Zereyê hêgayanê şilêran de ronayişê pêşangehî jew resîmekê bîn ya balkeş vet werte. Welatijê ke pêşangehî geyriyayî eleqeyê xo açarnay hêgayanê şilêran ser zî. Pêşangeh o ke 3ê Nîsan de abiya, do heta 10ê Nîsan akerde bimano.
Hunermenda resîman Gul Ertûnan derheqê cayê pêşangehî de qisey kerd û da zonayen ke, bin nameyê ‘modernîteyê sûk’ de weşiya xozayî çinî bena û wina va: “Rixmê pêrokîn êrişan cayê xozayî yê Qerejdax ser payan de vindenê û xo seveknenê. Qandê (serva) ke ma hayr biancê nê cayanê xozayî û eleqeyê cenî û xoza ser ma na cografya weçîna.
DÎHA/RIHA