Qezaya Eyyubîye ya Riha de taxa Kuloranî de karkerê pemeyî şifaqî ra kewenî rayîran û ver bi hêgayanê pemeyî şonî. Gede, cinî, ciwan û extîyarî zaf xebetîyenî, labelê pereyêko zaf tay gênî. Karkerî rojêk de 12-13 saetî xebetîyenî.
Cinîyî bi gedeyanê xo yê şenikan xebetîyenî. Mîyanê roje werd wirîyeno û werdê karkeran de balcanê pewte û îsot qet kêmî nêbeno. Karkerî seba ke hîna zaf bixebetyî, werdê xo zaf rew wenî. Gedeyê 12 û 15 serreyî nêşonî mekteb. Tayê karkeran bextwaştox î.
Nînan ra yew zî A.Aya 17 serrî ya. A.A 6 serrî verê bi keyeyê xo ameya Riha û wexto ke arêdayîşê pemeyî qedîya, bi keyeyê xo şona porteqalan arê dana. Cinîyan ra Emîne Karataşa 60 serrî zî 3 kênayanê xo reyde xebetîyena. Karataşe nêweş a, labelê dîyar kena ke aye mecbûr a ke bixebetîya.
MA / RIHA