Çend rojî verê bajarê Helebçe yê Başûrê Kurdîstanî de Merkezê Çalakîyê Ciwanan ê Helebçe de bi siloganê ‘Ma heme Rojawan î’ kampanyayêk dîyaybî destpêkerdene û aye roje ra heta ewro xeylê çîyî ameyî pêser. Komîteya caardişî kampanya qedênaye û dîyar kerd ke ê do hetkarîyê ke ameyî pêser, bierşawî Rojawanî.
Na kampanya hetê Rêxistina Pawitişê Domananê Kurdîstanî û çend rêxistinanê bînan ra ameybî destpêkerdene. Çarçewaya kampanya de heme mektebanê Helebçe ra hetkarîye ameye arêdayene. Babete ser o Berpirsîyarê Rêxistina Pawitişê Domananê Kurdîstanî Aras Abdî Rojnewsî rê qisey kerd.
Abidî va ‘badê ke ma kampanya daye destpêkerdene, hetkarîyêka başe ameye pêser’ û wina dewam kerd: “Xeylê welatîyan pere ard, labelê ma înan ra waşt ke wa çî-mîyê werdî bîyarî. Reyna çarçewaya kampanya de birinc, şeker, ariş, rûn û xeylê zexîreyê bînî ame pêser. Reyna cilî zî estî. Eke ma bivînî rewşe baş nêbena, ma do kampanya dibare bikerî.”
Endamê Komîteya Kampanya Ravyar Newzadî zî da zanayene ke na kampanya seba heme Kurdan karêxo erjin o û hêvîya înan esta ke wa herkes seba Rojawanê Kurdîstanî hetkarîye bikero.
HELEBÇE