DÎNDAR KARATAŞ / MA/WAN
Tirkîya de her ke şono krîzê ekonomîye hera beno, no ser zî hûmara bêkaran zî zêdîyena. Taxa Xaçortî ya Îpekyoluyê Wanî de her roja pancşemeyî bazar ronîyeno. Muşterîyî ke şonî bazar vayebîyayişê fekî û zerzavatan ser o bi desto veng agêrenê. Esnaf zî bê sîftehî tezgahê xo qefelnenê.
Welatij Selîm Aslan aşkera kerd ke sebebê krîzê ekomîye AKP yo, AKP cayê çaredîyîşî krîz înkar keno. Nacîye Abî zî aşkera kerd ke nika keyeyê înan de nê fekî nê zî nanî ke bivirazî zerzevat esto, no ser zî persgirekê weşîye cuyenê. Ayşe Dogan zî pare kerd ke merdimî vêşan ê, rîyê bê pereyî ser o rezîl benê, heme nê şeran ser o kriz esto.
Nusret Akayo ke bazar de firîngî roşeno vat ke çew de pere çîn o, kîloya firîngî bîyo 5 TL o saetê sersibeyî ra hetta saetê şanî tena roje de 40 TL qezenc keno û no bi pereyî debara 7 kesî keno.
Hewna Saît Akdogano ke bazar de xalî roşeno, êdî çew nêeşkeno îxtîyacê xo bigo û wina domna: “Her kes sebebê krîzê ekonomîye zaneno la nêaneno ziwan. Rîyê rayberê dewlete ra no krîz yeno cuyayiş. Ganî nê şerî ke yenî viraştiş biqedî. Eke şer biqedî û sînoran biabî do krîzê ekonomîye zî biqedîyo.”