Wexto ke Rayverê Şarê Kurd Abdullah Ocalan bi Komloyekê Mavêndewletî 15ê Sibat 1999î de teslîmê Tirkîye ame kerden, dewrê newî dest kerd ci. Ocalan'î qandê (serva-semedê) çarekerdişê siyasî, gamê ciya ciya û tarîxî eştî. Nînan ra tewr muhîma ci, 2ê Tebaxê 1999 de, Bakur ra peyser antişê gerîlayan û şiyayinê komanê aştî bi. Ocalan’î nameyê PKK da vurnayiş, hurendîya ci de verî KADEK û peycoy zî Kongra-Gel, KKK û tewr peynî de KCK da ronayiş. Enê heme gamê Ocalan'î qandê çarekerdişê siyasî bî û firsed-dayişê Tirkîye bî.
AKP zî waşt tesfîye bikero
Ocalan û Hereketê Azadîyê Kurd wexto ke AKP bî hikumet zî, şansê girdî day ci. La belê hikumeta AKP zî, zey ê verînan qedr û qîmet nêda gamanê Ocalan'î û vengdayişê Hereketê Azadîyê Kurd. AKP û dewleta tirk emel kerdê ke Hereketê Azadîyê Kurd tesfîye bîyo, hinî gerîla nêşeno çiyê bikero. Coka lîderê AKP û serokwezîrê o wextî Tayîp Erdogan'î vate, eke mefikirîyê meseleya kurd çinya û zey ke meseleya kurd qedîyaya hereket kerdê. Hukumetê AKP hetê ra tecrîdê vera Ocalan'î kerde xorîn û hetê ra zî vera erjayenanê şarê Kurd êriş kerde. Zey nimûne goreyê raporê ÎHD yê 2004î, 42 kesî bê pers û mehkeme kişiyay û girotxaneyan de 32 kesî merdî.
Darbe ser darbe nay dewlete ro
HPG da bi zanayin ke wextê bê çalakîyan de nezdîyê 500 gerîlayê înan kişiyayê. Enê êrişan sebrê şarê kurd kerdê kemî û çimî açarnaybî PKK û gerîlayan ser. PKK 1ê Hezîran 2004î de damûstayinekê da û eşkere kerd ke, dest bi îye destpa hemleyekê newî kerdê û adirbirnayişê jû hetî qedîna. PKK eno dem zî, zey demê pawitinê aktîf û stratejîyê newe yê tekoşînî hesibna. Ena hemle ser, gerîlayî kewtî dewre, darbe ser darbe nay dewleta tirk ro û hikumetê AKP ke, emel kerdê PKK qediyayo, şoq bî.
Peynîyê ena hemle de AKP mecbûr mend şî Ocalan'î het û PKK ra zî waştena adirbirnayen kerd. Her çiqas Hereketê Azadiyê Kurd, ancî firsed û şans da zî, la belê AKP û dewleta tirk wast enê adirbirnayenan bikero wesîleyê serkewtişê îşgalkarîya xo. Hemleya 1ê Hezîran zî, zey hemleya 15ê Tebax tarîxê Kurdistanî de ca girot û gena.
NAVENDÊ XEBERAN