Şemse vat ke xelaskerdişê Girê Sipî û Koyê Kizwanî destê çeteyanê DAIŞî ra dima kantonê Cizîr û Kobanê yewnan resayî, no zî Şorişa Rojawanî de serdema newe dayo des pêkerdiş û êdî ciwanî do bi awayo perwerdekerde welatê xo bipawîy.
Kemberê ereban
Şemse ard ziwan ke serkewtişêy ke mintiqeya Cizîr û Kobanî de amey destkerdiş tayînan eciz kerdo û no dergê da qiseyê xo: “No yeno manaya newe ra xêzkerdişê sîndoranê welatê mintiqeyî. Kembera ke rejîma Baasî Kurdistanê Rojawanî de dabi bestiş, Cizîr û Kobanê de şikiya. Nê serkewtiş tayînan bi awayo mecîd eciz kerdo. Nê hêrîşêy ke dijî Kobanê û Hesekê virazyay zî nîşaneya nê ecizîyanîy. Dost û dişmen wa her kes bizano ke; îradeyê ke Kobanê de ame nîşandayîş do semeda heme cayan bêro nîşandayîş. Nê hêrişan ra do îradeya şarê ma qezenç bikero.”
Bêveng nêmanê
Şemse vat ke: “Rojê rojan ke şoriş dest pê kerdo seyî Yewitîya Ciwanê Demkratîkî înan tede ca girewto. Şoriş sere de seyî duştê serewedaritiş de bi û dima wexto ke vîyart duştê herbî zî ma bi awayo rayxistinî cayê xo girewt û do her tim zî cayê xo bigerî. Eyro rayna hêrişêy ke Kobanê û Hesekê sero virazyay zî ma do bêveng nêmanîy û verpersê ke hewce keno ma do biderî. Armancê ma ruhê seferberî reyde bi perwerdekerdişê ciwanan pawitişê welatê xo bivirazîy.”
Wayîrvecyayîş
Şemse peynîya qalîkerdişê xo de vat ke ê hemleya ‘Wayîrvejyayîşê Rojawan û Kurdistanî’ day destpêkerdiş û na hemleya înan zî zaf hetî û dem derg a û wina peynî kerd: “Eyro Rojawanî de kura de ma ciwanan rê gerek est bo ma do weyra de bibî. Qewetê çeteyê DAIŞî wa baş bizanî ke Rojawanî de ciwanê ke heme hêrişan rê eşkenî bibî verpers estê. Lazim o herkes no ciwanên bi rayxistinî ra bitersîy. Ma seyî ciwanan cuyayîşê hevpar ya heme şaran qebûl kenîy û no hayî reyde ma veng danî cawanan ke wa Rojawanî ra wayîr bivejîy.”