Serhat Yildirim nika Hepisxaneyê Gurgumî de, Erkan Taşkan zî Hepisxaneyê Tarsusî de maneno. Bi malbatê xo hepisxaneyan de îxlalî ke yenî cuyayiş bar kerdê û vatî ke taybetî peynîya seba Rayberê Şarê Kurd Ocalanî grewa vêşanî rê pey teda û zilmî zêdîyayê.
Kekoyê Serhat Yildirimî, Reşat Yildirim vat ke birayê ci vato ke taybetî hepsê sîyasî rê cezaya yew sirayî danê û wina vat: “Taybetî qardiyanî teda û zilm kenê. Ma demo ke şonî pêvînayişî ma aşkera vînenî ke hepsê sîyasî rê zilm, derb û teda kenê. Her tim gef wanenê. Rojname û kitab nêdanê. Nika ma encax eşkenî 40 dk pêvînayiş bikê.”
Nêbenê doktor û nanî zî kêm kerdê
Dayika Erkan Taşkanî, Rasîme Taşkan zî aşkera kerd ke taybetî peynîya seba Rayberê Şarê Kurd Abdullah Ocalanî grewa vêşanî rê pey teda û zilmî zêdîyayê û wina vat: “Awa germ birnayî û kantinê hepisxaneyî de zî heme kelmelî rê vaye kerdê. Nanî zî her ke şono kêm kerdê. Domananê ma surgin kenê, no zî seba ma cezayêka gird a. Ganî domanê ma nêzî ma bibê.”
MA/MÊRDÎN