Zîndanê Kurdistan û Tirkîya de zext, teda û îşkenceyî her ke şono zêde benî. Teşebusê derbe ra dima bi îlankerdişê OHALî zîndanî bitemamî bîyî cayê îşkenceyî. Hepsîyî zî vera nê zext, teda û îşkenceyî de xover danî.
Nê zîndanan ra yewe zî Zîndanê Tîpa Tyî yî Xarpêtî yo. Seke yeno zanayîş hepsîyan ewja de grevê vêşanî daybî destpêkerdiş û grev roja 29. de dewam keno. Hepsîyî ferzkerdişê nasnameyî qebul nêkerdbî û cok ra destûr nêdîyeno bivejyî pêvînayîşan. Heta nika bi desan muracatê ke keyeyan dozgerîye rê kerdbî, bênetîce mendî.
Hepsîyî seba ke kerdişanê cilê tek tîp, nîzamo leşkerî, eştişê ser koguşan û sewbîna qebul nêkenî, 1ê teşrîna peyêne ra nata grevê vêşanî de yî. Qebulnêkerdişê nasnameyî ver hepsîyî heqê mektube, telefon û pêvînayîşî ra mehrum yenî veradayîş. Hepsîyî zî dîyar kenî ke ê do bi her hawayî xoverdayîşê xo bidomnî.
Hepsîyan ra Fethîye Oke zî 15ê Teşrîna peyêne ra nata hucre de yena tepiştiş. Seba ke pêvînayîş ameyo qedexekerdiş, keyeyî nêşênî hepsîyê ke koguşê D-6î de yî Dersîm Konak, Gamze Daş, Elîf Çelîk, Çigdem Kiliç, Gîzem Yamaçe grevê xo domnenî.
ANF/XARPÊT