Zîndanan de peynîya zext û tedayan nîna, eksê ci de her ke şono zext û tedayî zêde benî. Bitaybetî nê demanê peyênan de konseptêko cîya erzîyayo dewre û hewl dîyeno hepsîyan teslîm bigîrî. Nê hepsîyan ra yewe zî Abdulkerîm Yakut o.
Abdulkerîm Yakuto 40 serreyî, se ra 60 astengdar o. Yakut hîna 12 serreyîya xo de seba ke bi hawayo şaş tedawî bîyo, bi hawayo felcin mendo. O tarîx ra nata bi gopalan reyde cuyeno û par Antalya de ame tewqîfkerdiş û 14 aşmî yo ke tewqîfkerde yo.
Yakutî zîndan ra mektûbêk erşawit û derheqê zîndanî de melûmatê muhîmî dayî. Yakûtî mektûba xo de wina vato: “Hîna îdîanameyê mi dîyar nîyo û ez nêzana çi reyde yena sucdarkerdiş. Seba ke îxtîmalê remayîşî esto, ez nîna veradayîş. Seba ke ma ma 27ê Teşrîna peyêne de govend girewto, derheqê ma de tehqîqat abî. Werekna mi bişênayêne govend bigîra. Labelê mumkin nîyo ke ez govend bigîra. Verê cû ma bi meaşê astengdarîye, debara xo kerdêne labelê aşmêk verê ci zî birnayî.”
ANF/BRUKSEL
