Teşebusê derbe ra dima, bi îlankerdişê OHAL zext û zordarîyî komel ser de zêde bî. Na çarçewe de xeylê kesî ameyî tewqîfkerdiş û erzîyayî hepisxaneyan. Nînan ra avûkatî zî nê hêrişan ra para xo girewtî. Mêrdîn de avûkatê ke ameybî tewqîfkerdiş, înan ra yeno vatiş ke ‘şima çira beşdarê dozê sîyasî bîyî’.
Av. Derya Yîgîte derheqê avûkatê tewfîqkerdeyan de qisey kerde.
Tewrê kutikê perwerdekerde şonê
Derya Yîgîte qiseykerdişê xo de va ‘rewşa OHALî de vera avûkatan de bi hawayo kêfî hereket kenî’ û wina domna: “Avûkatî bi kutikanê perwerdekerde şonê pêvînayîşê muvekîlanê xo. Avûkatî wextê cigêrayîşê dozan de zî bê wekaletname nêeşkenî dosyaya muvekîlanê xo ra biewnî. Tirkîya de sînyalê kaosî çend aşmî verê ame dayîş. Ganî heq û huqûq her wext karê xo bikero.”
Sîyakerdiş zêde bîyo
Derya Yîgîte va ‘dozgerî vera avûkatan de vindenî û seba bêîtîbarîya avûkatan her çî kenî’ û qiseykerdişê xo wina qedêna: “Reya yewine Mehkemeya Sulhî ya Kerboranî sînyalê bêîtîbarkerdişê avûkatan da. Qerarê înan ra yeno famkerdiş ke hedefê înan bêîtîbarîya avûkatan a. Vera avûkatanê herême de vermuhakeme esta. Herême de zaf dadger û dozgerî newe ameyî tayînkerdiş. Rewşa OHALî de vînîkerdişê îtîbarî û sîyakerdiş zêde bîyo.”
ŞÛJIN / MÊRDÎN