‘Domanî nêmirê’
Mayan ra Sakîne Ertûgrûl a 70 serrî, vera qetlîaman bêvengiya parlamenteranê Kurd û alewî rê hêrs damusna. Ertûgrûl va: “Seweta vindernayenê na cengî bêveng memanê, veng vejerê. Ma haşitî wazeme. Nîwazeme domanî bimirê. Ma nîwazeme ne polîs, ne esker ne kî gerîla bimiro. Heta ke ma dayikî are nêbê no ceng nîqedîno.
Sakîne Ertûgrûl aşkere kerd ke, kes nîvejyeno û waştena haşitî nîkeno û niya va: “Beso, kam nî tifingan, kincan virazeno. Goniya birayî riziyena. Kes Kenan Evrenî ra, qayil nêbi, Tayîp Erdogan’î rê zî heqê xo nîkeme helal. Ma Demîrel’î rê kî heqê xo nîkerd helal. Seweta ke Erdogan bibo Pasa nê polîtîkayan rameno, çiyo ke beno kî, feqîr û fiqere rê beno.
“Merdî û dirbetinî pê het de rê”
Dayikan ra Xanim Guzel a 73 serrî kî hayr ant qirkerdişê doman, genc, kal û pîran ser û niya veng da eqliya û jîyaran: “Endî beso, ya Xizir, wa nê qetlîamî, wehşetî biqedîyo. Xizir zano ke, zerya ma bi gencan ra wa. Endî ma nîşkenê rakewê, nan û awe qiriqa ma ra nîvêrena ra. Ma leyê înan de rê. Guzel vist vîrî ke bi rojano merdî û dirbetinî pêhet de rê. Wijdanî nayî qebûl nîkenê.
“Cengî rê endî beso!”
Maya 65 serrî Emîne Yildirim kî dewleta ke gencan qetilkena rê nêrazîbiyen damusna û ard ziwan ke, Xizir Dizgun Bawa domananê ma ra wo, gencanê ma ra wo. Yildirim va, “Herbî rê endî beso. Cenazeyê domananê ma erdî de rê. Rîwalê tifingan şar nîşkeno rakewo, endî beso!”
ANF/DERSIM