SEBA ÇARESERÎ ŞÎ EWROPA
Birêz Ocalan cipersayişê xo ya aştîyî 1993’yan de dabî destpêkerdişî. Heta nika domyena. Birêz Ocalan seba verê Şerê Dinyayî yê Hîrêyêmîn bigiro bi waştişê xo 9’ê Citmenge 1998’an de Sûriyeyê ra vejya. Verêya ke birêz Ocalan biveja 7’ê Citmenge de Yewnanistanê K. Baduvas û heyeta pê re ameyê Şamê û bi birêz Ocalan de pêvînayiş kerdêy. Înan soza ku seba amadekarîya vejyayişa Ewropayî bikerê day û şîy Yewnanistanê. Birêz Ocalan, bi vatişên ‘Seba çareserîya sîyasî û aştîye ez şona Ewropayî’ dest bi meşa ver bi Ewropayê kerd. Birêz Ocalan bi balafirê şona Balafirgeha Ellenîkoyî de ame war. Çew nêame ver bi birêz Ocalan nêkerd. Nê demê birêz Ocalan zanîyaynê ke meşa azadî û cipersayişa heqîqetî de o bi tena serê xo yo.
PARÇEYÊN KOMPLOYÎ
Birêz Ocalan hemverî nê îxaneta Yewnanistanî verê xo da Rûsyayî. Daweta Rûsyayî ser 10’ê citmengî de şî Rûsyayî. Cîyaya Rûsyayî zî Yewnanistanê çînê bi. Her di hêzên ke xo sekî dost nîşan dayênê, her yew zî înan parçeyek komployî bî. Birêz Ocalan dema kilmî de nêt û rola înan komployî dîbî û Rûsyayî de tekîlîya xo birna. Verê xo da şaristanê ke xo sekî demokrasîya dinyayî nîşan doyê û verê xo da şaristanê Romayî. Kurdistaniyên ke erşanavitê birêz Ocalan şîyo Romayî, herçar hetên dinyayî ra xo ver bi Romayî kerdî û herikyay. Kurdistanî şev û roj nobeta azadîyî girewtinêy. Heme goş û çimê kurdan Romayî de bîy. No wayirvejîyayişê û herikîna ver bi Romayî, nê planên komplogeran xirab kerd. No semed ra zî, hêzên komploger êdî nêşikyayê bi awayekî aşkera û akerdeyî hemverî birêz Ocalanî de helwesta xo nîşan bidêy.
RÊBAZA KOMLOYÎ BEDILYA
Peynîya ke girêdana şarî ya canê xo ra zafêr birêz Ocalanî re wayir vejîyayê vejya holî, dewletên îxanetkar û xayîn rêbaza xo yê komployê bedilnay. No xayinteya înan, heta ke birêz Ocalanî raşt fam kerdîy berdewam kerd. Wextê birêz Ocalan Ewropayî û dinyayî geyraynê bertekê xo bi nêy vatişan ardê ziwan: “Ser rîyê na dinyayî de her kesî rê her ca est o, la min ra axa ke ez bi weşey bikûrê de û bivinderî çîno.” Birêz Ocalan no bertekê nîşan daynê ke heme hêzên dinyayî bi awayekî miyanê nê komployî de ca genêy.Yanî komplo hintayê hera bi ke merdim nêkardinê çend dewlete an zî bi çend hêzên bêsînor miyan de bîy. No ser zî komploya bi fîzîkî vejîyayişê Kenyayî tesadufî nêbî. Bi aweyekî dewletên Afrîkayî zî no komployî de ca girewtêy. 18’ê sibata 2010’an de Sekreterê Partiya Yetkitîya Demokratîk a Neteweyî ya Kenyayî Beht Mukogodo ke muxalîfê îktîdara Kenyayî yo, seba ke verî komployî nêbîy asteng, gelê kurd ra lêborîna xo waşt. Seba ke birêz Ocalan Kenyayî de ame girotiş, no 14 serrêy ke Îmralî de hemverî hêzên kapîtalîst xoverdayişeke bêmiyan dano. Bandoreke muhîm ser muxalefeta Kenyayî viraşt û no ser zî lêborîna xo gelê kurd ra waşt.
ŞAŞEYÎ DE MENDÊY
Bi tepiştişê birêz Ocalanî êdî hêzên kapîtalîst ra benda şerekî gird bî. Kurdistanî, Ewropayî û heme cayên ke kurdîy dijî no komployî de çalakîya viraştêy. Bi taybetî xoverdayiş ya birêz Ocalanî ke hemverî komplogeran nîşan da û çalakiyên kurdistanijan vera da ke rayîrberêy Amerîka xo ra poşman bibîy. Hêzên kapîtalîst no rewş texmîn nêkerdêy û nê zî bawer kerdêy ke şarê kurd hintayê Rayvêrê xo ra wayir bivejî la na girêdayişê bi birêz Ocalanî ser heme hêzên kapîtalîst matmaye û şaşey de mendî. Çew hêz nêeşkîyaynê verê çalakîyên şarê kurd bigirotayê. Heta ke kurdên xofiroş propagandaya sîyakerdişê birêz Ocalanî domnaynê, heta ke zî dijî dewleta tirk hem qada siyasî de û hem zî bi çapemenîya xo de waştêy xoverdayişa birêz Ocalan verovajî bikerêy û çimê şerê sîya bikerêy. Her çiqas haya şarî cuyayişê birêz Ocalan çinê bî zî baweriya şarî heta peynî bi birêz Ocalanî est bî. No ser zî têkoşîna xo bi her hawayî dayê. Şarê kurd, hemverê kaykerdişê kurdên xofiroşan û dewleta tirk bî.
KAYKERDIŞ SERKEWTE NÊBÎ
Serrên 80’yî de faşîstê gird Esat Oktay Yildiran seba xoverdayişê kadroyên Rayverê PKK’ê şino hetî Şehîd M. Hayrî Durmuş û rojnameyan zî nîşan dayê ke: “Ma Apo tepiştê. Dema nêzdîyê de ma ey zî bîyarê hetê şima.” Şehîd Xeyrî bi henekî de bawer kena û ey ra vano ke: “Şima zûr kenê. Serek Apo tena zî bimano, no kerrayan do bi rêxistin biko û bi ser şima de bieşrewo.” Her çiqas haya Hayrî Durmuşî birêz Ocalanî ra çîno bo se zî hewna zî bawereya xo ra gam nêerzeno war. Ey weş zanayê ke birêz Ocalan miyanê her şert û mercan zor de no doza înan bi serfirazî meşîneno. Heya peynî bawerîya înan bi birêz Ocalanî est bî. Dema komployê de zî heman bawerî bi gelê Kurdistanî de estbî. Şar zî baş zanaynê ke birêz Ocalan her tim seba şar têkoşîn dano. No ser zî heme kaykerdişên înan ravêreyeyî de raştkerdişê birêz OcalanÎ de zî pûç vejîyayê. Êdî şar ameybî merhaleya ke çîyeke zî nas nêkerdêy. Birêz Ocalan pêvînayişa verên 6’ê nîsana 1999’an de waşt ke çalakiyên tund ên veşnayişê peynî bibêy û ser esasê adirbesta ke 1’ê Êlule de ame bi îlankerdişî de bivinderê û bigeyrê. No vengdayişî ser de carekê çalakiyên tund vindarnay û adirbest berdewam kerd. Nêy rojên zehmet de zî birêz Ocalan seba vergirewtişê şer geyrayê. Birêz Ocalan helwesta xo rayeke diyin rola xo ya seba çareserî kaykerd.
OCALAN HER TIM AZAD O
Hêzên dagirker her tim waştêy kurd seba berjewendiyên înan bigeyrêy. Seba azadîya kurdan nêwaştêy no ser astengê vejyayê. Nêy kurdên xulam û kurdên ke her tim parçebîyîşa û nikaraynê binê xo bigerêy. No planên înan bi destê hêzên vaşûrê Kurdistanî pêk ameynê la birêz Ocalan her tim hemverî nêy planên înan veng vet û veng kerd. Her çiqas zanaynê bi fen û fûtan ser ey de zî rayna zî azadî û cigeyrayişê heqîqetî ra qet tawîz nêdaynê. Ey ser de zilm û îşkenceya 14 serrên ke Îmralî de yo, yeno şixulnayişî. Hêzên kapîtalîstîy zî weş zanayê ke înan bi qetî birêz Ocalanî zerê nêgirewtêy û nêeşkîyayê bigêrê zî. No xoverdayişê birêz Ocalanî bi seran bi ke hemverî hêzên kapîtalîstan meşînayê bîr û bawerî dana heme hêzên ke no pergalî miyan de têkoşîn dayê û bi gazinc bîy. Înan zî hêdî hêdî hemverê no pergala riziyaye vengê xo berz kerdê. Xo ser şarê kurd bi serre nê têkoşînê meşîyaynê. Zindanan de azadîya xoverdayişî, birêz Ocalanî ra xover dayênê. Şervanên azadîyî bi şer ê bêsebep de neyaran şaşûmaş vera dayê. Nê tena dijmin heme hêzên kapîtalîst hemberî no xoverdayişê gerîlayî de şaşûmaşo mendêy. Şarê Kurdistanî welat û teberê welatî her tim ser pay ra bîy. Hêzên ke xoverdayişan dayê zî, xoverdayişê birêz Ocalanî xo ra fînak girewtinê. Înan zî hêz û bandora xoverdayişê birêz Ocalanî ra wayir vejyayê. Çi beno bila bibo hewna heta diyarker û mifteya çareserî birêz Ocalanî de yo.
Komployî de rola hêzên miyannetewîyê
KOMPLOYA Miyannetewî komployeke zaf gird bî û miyanê çend serran de ameybî hadrekerdiş. Heta ke merdim gam bi gam pêkanîna komployê bander nebo, nêeşkeno bi awayekî raşt komployî ra bibo verpers û ey pûç bikero. Beriya ku birêz Abdullah Ocalan Sûriyeyî de vejya Dewletên Yeybîya ya Amerîkayê (DYA) û NATO keştîyên xo yên şer erşawitêy Deryaya Sipîyî û oca de tatbîqeta bi nameyê ‘Dînamîk 98’ viraştêy. Her kes zanaynê ke no tatbîkat provaya şerê hemverî Sûriyeyê bî. Rayeverên Tirkiyeyî no tatbîkatê de hêz girewtêy û bi aşkerayan de Sûrîyeyê ra gefan wendêy. Rayverên tirk bi awayekî akerda hemverî Sûriyeyê şer îlan kerdêy. Tirkiyeyê rewşeke wina ameybî kerdiş ke kewtişa Sûriyeyê ra dem hûmartinêy. Ason bike Tirkîya pey xo bi tatbîkata ke DYA û NATOya Deryaya Sipîyî de viraştinê girewtişê û xo no tatbîkatî ra gireda bî. DYA û NATO keştîyên xo yên şer ameybî heta verê Sûriyeyê û no bi tatbîkatî gef Sûrîyeyî ra wendinêy. Balkêş o ke Tirkiye verîya hemverî Sûriyeyî şer îlan bikero. Birêz Ocalan 1’ê Êlule 1998’ê de adirbest îlan kerdbî. Birêz Ocalan no hemleyê de planê komplogeran û dewleta Tirkiyeyî ya şer vila vet. Hetî kurdan de gefa şerkerdişê meydanî ra nêvariştbî û kurd destê aştîyê dergî Tirkiyeyî kerdinê. Her tim Tirkiye no şensê aştîyê bi gefên şerî de miyanê vedarnayo. Hetanê nika DYA û NATO bi awayekî nimite beşdarê şer bibî, nê rayî de zî DYA û NATO bi awayekî aşkerayê beşdarê şerî bîbîy.
Her tim seba merdimatî xebitya
Rayverê Şarê Kurd Abdullah Ocalan bi komloyekî fînaka no komployê hetanê nika çînîbî û birêz Ocalan ser de heme hêzên dinyayî û hêrişan bi qasî serê derzînî zî meşa xo ya azadî û cipersayişê heqîqetê peynî gam nêeşt. Seba ke birêz Ocalan her gam û hetê cuyayişê xo seba merdimatî xerc kerd, no ser zî her tim hedefa hêzên kapîtalîst bîynê. Heme neyarên bawer nêkerdinê, hemverî Rayverê Şarê Kurd Abdullah Ocalanî no girdî bî ke nêveradayê ke komplo bivirazê.
Bedenê xo day adirê
YEW şevê birêz Abdullah Ocalan xatir embazan xo ra waşt û Sûriyeyê ra vejya. Mehmet Halit Oral Zîndana Mereşê de girewtê bî û bi şiyara ‘Şima nêeşkenêy roja ma tarî bikerê’ de zey Çaran, Zekiye û Semayan bedenê xo da adirî. Oral bi adirê bedena xo dormeyê birêz Ocalan bibî xelek. Dema meşa azadiyê de bi seyan kena û ciwanên Kurdistanî adir vera bedenê xo day û dormeyê birêz Ocalanî de bîbî xeleka pawitişî. 7 serran ra heta 70 serran her kes vejîyaybî waran û girêdayeya xo ya bi birêz Ocalanî nîşanê dinyayê day. Dormeyê birêz Ocalanî de xelekên adirî û xoverdayişên kurdistaniyan hem planê komplogeran xirabe kerdbî û hem zî çimê înan tersnaybî. Hêzên komploger zey verê nêeşkîyaynê aşkera hêrişî birêz Ocalanî bikerdayê. Bi ters nezdîyê birêz Ocalanî bîyê.
HADREKERDOXE: LÊL AMED