Vera hêrişanê dagîrkerîye û qetlîyamanê dewleta Tirkî û çeteyanê aye de xoverdayîşê Kurdan zî bêmabên dewam keno. Bitaybetî Kurdê ke Ewropa de cuyenî û dostê Kurdan 9ê Teşrîna verêne ke hêrişî dest pêkerdî ra nata çalakîyê xo yê protestoyî domnenî.
Kurdî mîtînge, rayîrraşîyayîş, roniştiş, vilakerdişê vilawekan û sewbîna çalakîyanê tewir bi tewiran virazenî û vera Erdogan û dewleta Tirkî de hêrsê xo nîşan danî. Bajaranê Marsîlya û Lyonî yê Fransa de, bajarê Manneheîm, Hamburg, Frankfurt, Berlîn, Saarbrucken, Kîel û Stuttgartî yê Almanya de, Yewnanîstan, Hollanda, Norveç, Îtalya û sewbîna xeylê cayanê bînan de çalakîyê protestoyî ameyî viraştene.
Bi hezaran Kurd û dostê Kurdan beşdarê çalakîyan bîyî. Hema vaje heme cayan de siloganê ‘Terorîst Erdogan’ û ‘Wa bicuyo xoverdayîşê Rojawanî’ ameyî eştene û raya pêroyî ya mîyanneteweyî ra ame waştene ke wa vera dagîrkerîya dewleta Tirkî de bivinderî. Polîsanê welatanê Ewropa de vernîya çalakgêran de barîkatî ronayî û hewl da çalakgêran asteng bikerî. Labelê şar bi qerardarî çalakîyê xo viraştî.
BRUKSEL