Ewro hema hema her saet û her kanal de programê zewacî yenê weşanayîş. Heme weşanê televîzyonî bi programê zewacî ameyî pirrkerdiş. Hedefê programanê zewacî nêseyyewbînîya cinî û camêrdan a. Programan de nêseyyewbînî bi hawayêko normal yeno nîşandayîş û cinîyî sey meta yenî nawitiş. Programî rolê ke newe û zayendperest seba cinî û camêrdan amade kenî.
Programo yewine yê zewacî serra 2000 de ame viraştiş. O wext kesê ke tewrê program bîyêne, 24 saet ameyêne taqîpkerdiş. Kesê ke verê cû zî yewbînan şinasnayêne tewrê programan bîyêne û seba reytîng û popîlîstîye 24 saet yewbînan reyde nîqaş kerdênê. Her ke şî programê zewacî kîtleyê xo hîra kerdî û ewro zî heme kanalan de programê bi nameyê ‘îzdîvaç’ de yenî weşanayîş. Her çiqas destpêkerdişê programan ra nata zaf çîyî bedilîyayî zî hetê zayendîya komelî de çîyêk nêbedilîya.
Rôle neweyî
Çîyêko programan de bala merdimî anceno, cinî ya. Programan de çekuyê urf û camêrdî yenê qiseykerdiş. Seba cinî û camêrdan rolanê neweyan dîyar kenî û dima ra zî bi qiseykerdişê xo bi şarî danî qebulkerdiş. Programan de rolê cinîye mil çewtkerdiş, bin ra girewtişê babetan, pakî, şam, welednayîş û pîlkerdişê domanan û memnunkerdişê camêrdan yeno dayîş. Sîstem polîtîkayanê zayendperestan cinîyan ser de ferz kena û hetê komelî ra zî dano qebulkerdiş. Sîstem programê zewacan de propagandaya xo û xo dana domnayîş.
ANQARA