Azadiya Welat ke serra 1992î de bi nameyê Welat destpa weşan kerd, xêlê îmtihanan ra vîrd ra û xo resna na roj. Rojname 22ê Nîsan Roja Rojnamegerîya Kurd de bi slogana ‘her keye welateko’ jû kampanya dana destpa kerdiş. Na kampanya ya ke do jû aşmî biramo, do keye bi keye, kuçe bi kuçe, tax bi tax gird û hera bibo.
Vera dezenformasyonî
Edîtor Kelekçîer da zonayen ke na kampanya serva jêdekerdişê homara wendekaran yena destpakerdiş. Kelekçîer da zonayen ke jû linga herbê çapemenîya hetkar ya ke xeberê dezenformasyon vila kena ya û va, zey Rojnameyê Azadiya Welat vera polîtîkayanê dezenformasyon bi slogana ‘her keye welateko’ kampanya danime destpa kerdiş.
Emrah Kelekçîer’î da zonayen ke hedefê sifte yê kampanya şarî rê resnayişê raştiyan o û aşkere kerd ke hedefê bîn yê kampanya zî wendîdayişê Azadiya Welatî yo. Emrah Kelekçîer’î da zonayen ke zey cayê pîlot Amed’î de hîrê heremî weçînayê. Emrah Kelekçîer’î va Azadiya Welat yena maneya xoverdayişî. Wayirvejyayişê Azadiya Welat wayirvejyayişê rûmet, ziwan, xorayirberdiş û xoverdayişî yo.
ANF/AMED