8 rojî yo ke artêşa Tirk û çeteyê ci hêrişê Vakur û Rojhelatê Kurdîstanî kenî. Roja ke hêrişî dest pêkerdî ra nata Kurdî zî payan ser o yî. Bitaybetî Ewropa, Rojawan, Rojhelat û Başûrê Kurdîstanî de Kurd û dostê Kurdan raşteyan de yî û vera hêrişanê dagîrkerîye de hêrsê xo nîşan danî.
Bitaybetî Kurd û dostê Kurdan bi rojan o seba piştîdayîşê Rojawanî welatanê Ewropa ra Hollanda, Fransa, Swîsre, Almanya, Swêd û sewbîna xeylê cayanê bînan de bi hezaran kesî vejîyayî raşteyan û hêrişê artêşa Tirkî protesto kerdî.
Çalakîyan de siloganê ‘Bicuye xoverdayîşê Rojawanî’, ‘Bicuye YPG/YPJ’, ‘Artêşa Tirkî Kurdîstan ra bicehime’, ‘Destanê xo yê gonîyinan Rojawan ra biancê’ û sewbîna ameyî eştene. Çalakgêran seba ke şarî zana bikerî, xeylê cayan de standî akerdî. Çalakgêran dewletanê mîyanneteweyîyan ra waşt ke wa vera hêrişanê dagîrkerîyan de bivinderî û vernîya qirkerdişan bigîrî.
Çalakîyan de posterê Rayberê Şarê Kurdî Abdullah Ocalanî, beyraqê PKK, YPG û YPJyî ameyî akerdene û pankartê ke ser o ‘Qetlîyaman bivindarnê’, ‘Her ca Rojawan, her ca xoverdayîş’ û sewbîna nuştêne ameyî akerdene.
BRUKSEL