Mezelê şoreşgera Kurd Sakîne Cansiz ke 9ê Çile 2013 de paytextê Fransa Parîs de amê qetilkerdiş, hetê kes yan zî kesanê nedîyar ra ame texrîbkerden.
Mezelê Cansiz, Mezelxaneyê Asrî ke 2 kîlometre dûrê merkezê Dersim de yo de ca gêno. Dêsê abîdeyê mezelî ke 3 metre berzêr o de, resîmê Cansiz, sembolê astareyek û perrê bewranî ser o ameyê neqişkerden. Hêrîşo ke vera mezelî ame kerden de, wazîyayo ke perrê bewranî û astare bîro vetiş. Rîwalo ke perrê bewranî û astare cayê xo ra nêvejyayî, ameyê şikiten.
Wezîfedarê Mezelxaneyê Asrî aşkere kerd ke bi sebebo ke 500 metre dûrê mezelxane de noqteya qontrolî yê lejkerî esta, îxtîmalêko gird hêrîş bi şew virazîyayo. Wezîfedarî ard ziwan ke ê nêzanê ke kê yan zî kamî, bi kamcî meqsedî no hêrîş viraşto.
DERSIM