Hukmatê AKPyî demêko derg o ke hêrişê Başûr û Rojawanê Kurdîstanî keno û 19ê Tebaxe de zî şaredarîyê Amed, Wan û Mêrdînî xesp kerdî. Vera hêriş û xespkerdişê qayûman de çalakîyê protestoyî domîyenî.
Ewropa de çalakîyê protestokerdişê îqtîdarê AKP û MHPyî zî bêmabên dewam kenî. Bajaranê Fransa, Almanya, Swîsre, Hollanda û xeylî welatanê bînan de çalakîyê paştdayîşê HDPyî ameyî viraştene. Çalakîyan de vera faşîzmê Erdoganî de mesajê xurtkerdişê têkoşînî ame dayene.
Bajarê Kolnî yê Almanya, bajarê Baselî yê Swîsre, bajarê Den Haagî yê Hollanda û bajarê Marsîlya û Montpelîerî yê Fransa de bi seyan kesî vejîyayî raşteyan û vera neheqîyan de reaksîyon nîşan da. Çalakgêrî bi siloganan rayîr ra şîyî û pankartê ke hêrişê vera Başûr û Rojawanê Kurdîstanî de benî û xespkerdişê qayûman şermezar kerdêne, ameyî akerdene.
BRUKSEL